東京食堂 (已結業)

今次要介紹各位一間隱蔽食堂, 有幾隱蔽? 莫講話間餐廳, 我就連大廈個位置都搵唔到, 原因唔係我路痴, 係棟大廈門口唔喺路邊, 要入左另一大層既門口, 先見到一個中庭地方。門面簡簡單單, 夠乾淨, 座位唔多,得3,4張台。平日六點人未多, 可以靜靜地, 又可以同店員傾下計, 相當舒服。一坐低二話不說就叫左遠近馳名既鰻魚定食, 即叫即整, 一陣就上枱, 簡單配料, 但賣相好吸引, 鰻魚唔硬, 易夾, 厚身得黎食落都好鬆軟, 配合燒汁, 您會感受到日式既味道, 相當有水準, 珍珠米好有咬口, 飯上面加左芝麻, 成個飯都好香。我見隔離對情侶, 叫左滿枱食物. 佢地話最欣賞大阪燒同牛舌, 食完仲未夠, 話點都要叫埋個鰻魚定食, 叫左全條鰻魚咁大份, 梗係食唔哂啦, 不過鰻魚真係幾好味, 我都明白叫半份唔夠候。下次再食其他菜式。