影片
更多
2018-04-23
115 瀏覽
為左踢走Monday blue 突登約左星期一放工食餐好既。早響星期五就book定位，廢事去到要排隊啦。星期一七點半準時到達番本放題，去到既時候門口都有少少人等梗位，不過我地book左枱，所以就即刻入得。一坐低店員就同我地介紹有蒸氣鍋同生蠔，兩樣都好吸引，黎得放題就預左怒食，所以梗係試埋啦。首先講左蒸氣鍋先，爐仔細細加個草帽咁款既蓋，外貌幾得意，蒸氣鍋而家又好hit，所以都見到好多人都有食。佢有得比你揀蝦，蜆，帶子，肥牛同菜等等。個人最欣賞係個蒸肥牛，個感覺比韓燒冇咁熱氣，又比打邊爐更加有牛肉味，非常出色啵，出乎意料之外。至於生蠔呢，有三款味道比你揀，我就食左茄汁同葱配檸檬，比較中意茄汁味，啲蠔夠凍，食落唔腥。飲品方面有兩個櫃比你任拎，有熱同凍，想飲酒既話可以tick紙仔，順帶一提，梅酒幾好飲，好易入口。至於剌身呢，嗌左三文魚，帶子，象拔蚌同甜蝦。最好食係甜蝦，真係冇改錯名呀，非常之鮮甜，仲encore左兩round添。第二樣摰愛就係南瓜天婦羅，每次送到黎都係熱辣辣，南瓜咬落去每一啖都軟綿綿，出面既粉漿唔會話太厚，帶有少少鹹味。最後如果想食甜品例如布甸，可以響飲品雪櫃拎，另一個雪櫃有雀
為左踢走Monday blue 突登約左星期一放工食餐好既。早響星期五就book定位，廢事去到要排隊啦。
星期一七點半準時到達番本放題，去到既時候門口都有少少人等梗位，不過我地book左枱，所以就即刻入得。
一坐低店員就同我地介紹有蒸氣鍋同生蠔，兩樣都好吸引，黎得放題就預左怒食，所以梗係試埋啦。
首先講左蒸氣鍋先，爐仔細細加個草帽咁款既蓋，外貌幾得意，蒸氣鍋而家又好hit，所以都見到好多人都有食。
佢有得比你揀蝦，蜆，帶子，肥牛同菜等等。個人最欣賞係個蒸肥牛，個感覺比韓燒冇咁熱氣，又比打邊爐更加有牛肉味，非常出色啵，出乎意料之外。
至於生蠔呢，有三款味道比你揀，我就食左茄汁同葱配檸檬，比較中意茄汁味，啲蠔夠凍，食落唔腥。
飲品方面有兩個櫃比你任拎，有熱同凍，想飲酒既話可以tick紙仔，順帶一提，梅酒幾好飲，好易入口。
至於剌身呢，嗌左三文魚，帶子，象拔蚌同甜蝦。最好食係甜蝦，真係冇改錯名呀，非常之鮮甜，仲encore左兩round添。
第二樣摰愛就係南瓜天婦羅，每次送到黎都係熱辣辣，南瓜咬落去每一啖都軟綿綿，出面既粉漿唔會話太厚，帶有少少鹹味。
最後如果想食甜品例如布甸，可以響飲品雪櫃拎，另一個雪櫃有雀巢杯裝雪糕同糯米糍，榴連味既糯米糍好好味，好香榴槤味，唔會話太假，我幾飽都食咗三粒。
呢度上菜好快，仲冇甩單添，員工好友善添，值得一讚。
張貼
