酒鍋 (天文臺道) (已結業)

今日朋友生日，香港人就最鍾意打邊爐㗎啦，甘我哋就book咗一間喺天文臺道嘅火鍋⋯⋯酒鍋，一去到見到店內環境優美別具格調又寧靜。座位唔多但係好闊落又舒服。呢度最出名嘅鍋底就係五格鍋，我點點左個「揚名四海」，有黑松露雜錦鍋，濃湯豬骨鍋，四川麻辣鍋，同埋鹹酸菜胡椒豬肚鍋，食一次火鍋可以享受四種湯底我都係真係第一次招牌本地手切肥牛色澤紅潤，肥瘦適中，鮮嫩又有牛味，份量又大份，大滿足牛胸㻎切得比較厚身，充滿油香味，又唔會有油膩感，入口爽口彈牙。蛋黃炸魚皮新鮮炸起嘅魚皮，好鬆趣，而且仲配上蛋黃嘅香味，令到個魚皮錦上添花，香口得來又趣口，外相金黃色好吸引七星報喜聽個名都知係好野，每一粒墨魚丸都有唔同嘅風味，啱晒鍾意墨魚丸嘅我，有啲墨魚丸加左粟米，有啲加左黑松露又有一啲係加左蟹子仲有一粒應該係菠菜味，而且墨魚丸好彈牙，賣相七彩繽紛好吸引