和順記 (砵蘭街) (已結業)

特登嚟和順記朝聖，兩個人叫一個餐已經夠晒，呢間餐廳勝在無最低消費。神級生炸雞脾王配飯 （沙嗲汁，轉熟蛋，包野飲） $68一上枱，大大份，香噴噴。一切落去，超脆，餐廳本身都有少少將隻脾起骨，所以成件事都好容易處理。食落去，唔食皮嘅我都覺得好好食！塊皮好香脆兼唔油，雞肉好嫩有汁嘅。個人覺得唔點汁都好食，不過我配飯，就不妨用沙嗲汁撈飯，沙嗲汁似日本咖啡汁咁。最後食個隻熟蛋，煎得剛剛好。但都想一提環境方面，果日都算人少，但環境都幾嘈下。