沙田新強記燒鵝海鮮酒家

營業中

休息中

入黎大圍探朋友, 一早上網搵左資料有咩好食, 搵到呢間中菜食燒鵝既, 好似幾出名, 咁就訂定位入黎食首先第一道菜上燒乳鴿, 脆身, 香口,  味鮮, 保持肉味 , 令我地胃口大增朋友對鵝興趣不大, 所以我地最終無叫到鵝, 於是叫左另一樣出名, 就係雞粥。第二道就黎左雞粥，雞的鮮味同粥既綿綿之下互相融合， 我地都唔洗３分鍾就食完一碗，要再舀多碗食。侍應推介今日有新鮮龍躉尾，於是我地叫左煲，我自己對呢個菜就一般，可能我對魚一般，不過朋友喜愛食魚，大讚龍躉足料，絕對唔係求其一兩件。另外仲叫了通菜炒牛肉及小炒王，都屬水平之上，用白飯黎送，我就食了兩大碗飯，其他人都各自食了一碗多。