新強記燒鵝乳鴿海鮮酒家 (已結業)

星期日，沙田處處都人頭湧湧，兜來兜去，最後決定食新強記。得兩公婆撐檯腳，所以點了兩碗雞粥加個羊肉煲。先講個「招牌」雞粥，白粥底，應該係同雞分開煮。雞件小，冇乜味，元朗發記好食好多。反而個羊肉煲有少少驚喜，羊肉多，汁濃又夠味，連少少骨的羊腩最好味。個有檸檬葉絲，似模似樣。羊肉煲跟一碟唐生菜。80年代的裝修，一入門口就見好大幅彩色山水畫，係LEUNG，不過就係合乎80年代的風格，第二處好難搵。沙田好多老店都沒落了，希望新強記可以繼續保留自己的本色啦。