金鶴拉麵 (和富道) (已結業)

有一班吃貨同事既好處就係 日日都去搵好西試 早上工作動力就係lunch個餐🤣有同事食過金鶴拉麵🍜 覺得ok!見到openrice有8折coupon賣 原價$98既雞白湯拉麵 8折後👉🏼 $78❗️如果唔想食雞白湯 仲可以轉其他4款湯底~~咁吸引 所以我地就去左食喇!我地全部人都係叫雞白湯拉麵💁🏽‍♀️炸牛蒡非常之打卡able! 牛蒡好薄身 炸得好香脆 而不失牛蒡既原味!赤雞肉質太特別了 爽爽地既~~ 似食緊刺身!大家都表示未食過雞肉係咁樣質地 甚至以為係未煮熟既🤣🤣🤣 黑豚肉都處理得唔錯 炙燒過既豚肉脂香味更出!要大讚一下湯頭既濃郁度 同埋味道😋熬煮6個鐘真係唔係浪得虛名 雞湯鮮甜又好creamy👍🏽 係會忍唔住飲完一啖再一啖架!拉麵就相對無咁有特色 食落似係十幾年無食過既某連鎖味精拉麵既麵底🙈 勝在量夠多 一定會夠飽~~其他配料仲有溏心蛋半隻、木耳絲、筍實在太豐富喇! ☺️整體黎講💁🏽‍♀️平時唔係好食拉麵既我都覺得可以再幫襯!