傷心酸辣粉 (天瑞路) (已結業)

傷心酸辣粉原來係有雞煲嫁，真係孤陋寡聞，而家先知🙈-二人套餐可以叫半隻雞再加三個配菜，半隻雞真係比足你，2個人一定夠食，而且d雞好滑，好入味，雞反而幾意外地好食。-配菜方面我哋叫咗肥牛，豬紅，木耳。肥牛真係太肥，唔太建議叫，反而個豬紅應該本身就浸左味精湯😂😂入哂味，唔會好似平時打邊爐咁，完全冇味。木耳就正常啦，冇咩特別。-但佢既湯底我覺得係偏咸，但我諗都係一時時，因為傻仔話佢上次食冇咁咸，仲覺得好好食，所以我應該會再黎試多次。如果唔計個湯底太咸，其實佢質素一d都唔差嫁。