32
8
6
| 餐廳: | 傷心酸辣粉 (天瑞路) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
電話號碼
25682809
營業時間
今日營業
08:00 - 01:00
星期一至日
08:00 - 01:00
以上資料只供參考, 請與餐廳確認詳情
招牌菜
食家推介
相關文章
呢間傷心酸辣粉喺天水圍都好多年，本人對紅薯粉興趣不大就一直無幫襯。留意到有小菜套飯就試下啦。$49一個餐聽落的確係抵既，有湯有飯有餸仲想點？不過又咁唔好彩當晚蒸爐壞左，侍應話轉飲品，呢到問題不大。我哋叫左3個餐：👉🏻蔥油雞：份量一隻髀。夠膽死得面頭薑蓉有咸味，雞微微咸，雞味唔好講啦。好彩有好多薑蓉餸飯囉。👉🏻炆鴨：呢個份量又係離譜，完全見唔到完整一塊鴨肉，係手撕鴨咁上下。味道ok夠晒咸餸飯囉。👉🏻手撕雞：一堆仔雞肉，味道諗到，份量唔多。最搞笑係加$10叫個佛跳牆，黎左半碗普通飯碗裝住好似黃咖喱咁既野，聽老豆講酸酸地。乜佛跳牆係酸嘅咩😱其實$49真係唔貴，但小菜餸份量真係好小學雞好寒酸，我覺得幾搞笑🤪男人絕對食唔飽的。無影相，因為食完拿拿臨走左～
繼續閱讀
三日唔埋兩日我就會食傷心酸辣粉～每一碗都有足料嘅肉碎、榨菜、花生🥜，仲有一大碗嘅薯粉。每次我都會揀雞軟骨，或者辣豬肚絲，尋日就試吓食海蜇豬耳，食咁多次最鍾意呢一聲！ 海蜇豬耳，超夠辣，味道有夠，總之就係香辣而家一路寫食評一路流口水啦 而我老公就係食口水雞，佢話啲雞唔夠滑有少少鞋，但係整體都比碗薯粉加晒分！如果下次再嚟我會想再食海蜇豬耳，配一杯凍椰汁多冰！ 環境方面，昆蟲都有，但小。另外職員服務態度一般每一個侍應態度都唔同🫡 不過唔緊要啦過嚟都係為咗食傷心酸辣粉😳
繼續閱讀
今時今日喺仲有二十幾蚊嘅麵，有小食仲有埋熱飲，仲要凍飲都只係加三蚊，真係啱晒我呢啲咁悭家嘅人。-鹽焗手撕雞薯粉$29.00手撕雞夠咸香同芝麻香，薯粉彈牙滑溜，湯底就一般高湯味。-小食(炸墨魚餅)+$0.00彈牙亦有一粒墨魚粒喺入面，有咬口，炸得好香！-凍奶茶少甜+$3.00茶底不錯，奶味亦足夠！
繼續閱讀
啱啱搬咗嚟天水圍住冇幾耐，見到屋企附近有傷心酸辣粉，充滿回憶😂😂😂中學嘅時候成日食🤣本身諗住一個人嘆吓，叫咗香脆豬腩套餐，點知食物未到就遇到新鄰居🤣🤣🤣結果一齊食埋任食火鍋！香脆豬腩套餐🐷唔係講笑！豬腩嗰陣外皮脆到卜卜聲😍😍😍完全係可以拍Asmr嘅級別❤️❤️❤️超香脆超好食！套餐仲包埋酸辣粉，飲品有兩款茶嘅選擇👍🏻任食火鍋😱😱😱真係第一次知道原來而家傷心酸辣粉有做任食放題火鍋！我哋係週末下午去，只係$99一位，姐姐話平日仲平😱😱😱😱大癲😱😱😱❤️❤️❤️放題火鍋湯底有烤魚，雞煲，藥膳雞煲，酸菜豬肚雞煲選擇！真係超多嘢揀，今次我哋就叫咗酸菜豬肚雞煲，超級濃郁！好正呀！一定會成為我冬天嘅新飯堂！火鍋配料方面，餐廳用一個大雪櫃放起晒配料，配料有30種以上！大家留意番任食配料有提供雞肉同牛肉但沒有豬肉🐷最重要係薯粉任食，自製酸辣粉都仲得🤣🤣🤣材料都算新鮮，而且飲品有多項選擇！就嚟冬天，相信呢度都會好爆場！
繼續閱讀
傷心酸辣粉(天水圍)📍地址：天水圍天瑞路88號俊宏軒地下G03A及B鋪💰人均消費：$50-$80==================🍲酥香脆豬腩酸辣粉套餐 $68 (跟餐有一杯🥃冷泡茶）酥香脆豬腩係即叫即整，上碟個陣熱辣辣，而且非常香脆，食落又唔會太膩！至於🌶酸辣粉方面揀左紅薯粉，個粉真係吸收晒湯ge 味道，仲好煙韌！飲埋無糖茶四季春解下辣，中和一下真係幾唔錯！皇牌口水雞酸辣粉套餐 $48 呢個價錢真係無得輸😍大大隻雞脾，又滑又好食。麵底揀左米線，覺得薯粉會出色d🙊另外我發現小辣原來都好辣下，唔太食得辣ge 人可能要揀BB 辣先得。跟餐加左$33 的香酥軟骨同$36 的蒜泥白肉! 另外仲叫埋$22炸三鮮餃子（6隻）同$30麻香炸雞翼！真係大滿足呀😍😍 佢全部小食都即叫即整，我個人力推香酥軟骨，因為真係炸粉落得岩岩好，而且好香口，好快清晒！😋
繼續閱讀
您可能會有興趣的...