小魚兒 (金馬大廈)

營業中

休息中

呢幾日天氣涼咗唔少，全日都落著毛毛細雨，最岩就係食雞煲打邊爐暖一暖身！揀咗網友大推既小魚兒，位於尖沙咀，鄰近地鐵站，選址好方便～兩個人叫咗半隻雞煲，雞件份量十足～仲可以自選辣度同麻度，好貼心！雞件啖啖肉，嫩滑得黎仲好入味，食落勁惹味。配料揀咗圓薯粉，煙煙韌韌好掛汁，索滿雞煲醬汁，彈牙得黎仲好有嚼勁添～鮮腐竹散發濃郁豆香，質地柔軟滑溜。打完邊爐口痕想食啲香口野～店員推介黃金魚皮，滿滿黃金粒，入口脆卜卜，鹹蛋味重，新鮮炸起特別惹味！濃湯蟲草竹笙浸娃娃菜湯底好香濃，蟲草花爽脆甘甜，娃娃菜份量好多，健康之選～竹蔗茅根味道清甜，岩哂打完邊爐飲返杯，清熱解毒一流。