尚上下夏 - 養生雞煲火鍋 (已結業)

一直都唔知道原來有藥膳雞煲的存在，後悔太遲知道，因為反正都係要食，當然要揀健康少少食啦！光線充足的門面已經給人不錯的印象，而且最吸引的是寫著可以任意選雞件部位的招牌，可以食自己中意的部位食到夠為止！店內雖然都好多客人，但個感覺都唔會好迫。同一鍋辣度都可以有唔同選擇，同食勁辣既朋友來都唔使驚！至於雞有得揀當然要食脾位啦，皮多肉厚，食起來啖啖肉，而且全煲都係脾，好正！食完雞到火鍋時間啦，先食最愛的珊瑚蚌，非常爽口，混和雞煲中的雞香味加上小小辛辣，太好味了！再來就是魚皮餃，彈牙又唔太厚的外皮，內部軟軟的餡肉，每一次火鍋都一定要點的，魚皮餃和火鍋是絕配！講到絕配，當然唔少得可以吸收所有火鍋湯底美味精華的烏冬啦，全晚食物所包含的味道，在最後再來一個烏冬作為結尾，是一個非常好的選擇！