麗島小廚 (已結業)

其實食雞煲都可以好滋潤架，因為除咗麻辣雞煲之外，仲可以好似我今晚咁樣揀番個滋補花膠濃湯雞煲。我地兩個人只叫咗半隻雞，佢嗰半隻雞都幾大隻，真係好抵食，再叫多少少其他火鍋配料就已經飽到無朋友。佢隻雞都幾新鮮，個雞湯真係好滋潤，D花膠同埋D蟲草花都OK唔錯。佢呢度個墨魚滑一Set係有兩份嘅，平時出面食開都係得一份，佢個墨魚滑滾熟咗之後都幾彈牙。呢間嘅韭菜餃都做得唔錯，係佢地自家製嘅，所以入面D餡都真係幾新鮮，D韭菜好香。冰豆腐就必叫嘅，尤其是放入雞湯度，真係吸晒雞湯嘅精華，好好味。黑木耳新鮮爽口，唔錯。仲有呢個釀油炸鬼，唔算太油，點埋個泰式甜酸醬就好正好好味。