前家樂餐廳火鍋店 (已結業)

識食，一定嚟大角咀。中式、西式、日式、韓式，基本上好多大路野食都會係大角咀出現。當然呢間係埃華街街頭嘅前家樂都係其中之一喇。有朋友想食烤魚，有朋友又想食麻辣雞煲，索性叫晒兩樣啦！番茄薯仔烤海鯇魚，話係咸淡水交界嘅魚，鮮甜又冇乜骨。有得揀大邊細邊，湯底亦鮮甜到爆。煲到咁上下落返個紅薯粉稱得上無敵。雞煲揀左中辣，初初食都OK，食耐左仲辣啲，食到個個都變孖潤腸，好刺激。雞件煲左好耐就仲咁滑。其餘配料逐樣嗌，樣樣都唔差，係豬牛比較出色。牛肉即淥即食牛味濃，豬腩肉好邪惡但好好味。響鈴基本野啦，索晒啲辣湯好過癮，竹笙亦一樣啦。芝士竹輪都唔錯！唔只吉X家先有得食架～