18樓雞煲火鍋專門店

營業中

休息中

要平要正雞煲唔難搵，但要有埋高質火鍋就唔係度度有。呢間雞煲可以揀辣度，又有任食火鍋，真係幾岩我呢啲怕辣嘅濃味怪。雞煲夠哂惹味又夠哂份量，其實已經滿足左第一個胃。加入清湯再食第二樣，火鍋，海鮮、肉類、丸類、粉面、小食、炸物，真係應有盡有。鮮蝦、肥牛、豚肉片、鯇魚片、鯇魚脆骨腩、鱔片，牛丸、腐竹、響鈴，全部都好新鮮，爽口，尤其是係鱔片，貴價野，食多幾塊值回票價。要食菜，要飲汽水，要食清熱嘅嘢，或者要食甜品，完全冇難度。菜籃、萵筍、秋葵、蓮藕片、淮山片，新鮮整潔，入口清脆；各式汽水、清熱飲、涼粉、自家製冬瓜茶、甜品仲有軟雪糕，任食任叫任攞，簡直一次過滿足晒幾個胃。