影片
更多
2020-06-07
106 瀏覽
呢間吞pot一啲都唔吞pot^o^環境方面，有個落地玻璃夜境，七點半倒黎到睇到個天慢慢亮變黑，個view好正！座位好闊落，張凳有驚喜，坐得都幾舒服。抽氣同冷氣都好久夠，唔會好似其他火鍋店咁好大煙，仲有金魚同電視睇添！食物方面，上菜好快，叫咗個雞煲就好快送到，半隻雞二個人都好夠食！今次叫咗小辣，小辣唔係好辣，食唔到辣嘅朋友都食到，我就下一次一定要食中辣啦！啲雞好滑，滑過晒所有任食雞煲嘅雞，味道適中。打邊爐餸就叫左蟹柳，萵筍，鵝腸，全部都好入味，好新鮮！鵝腸好爽口，記得記得唔好煮咁耐。仲叫咗個爆芝響鈴，即叫即炸，我傻傻地以為要煮下先食，原來係就咁食㗎！脆卜卜一啲都唔油膩，加埋芝士，感覺好邪惡，但係食完真係好幸福！最後仲叫咗個辣酒煮田螺，好入味，亦都好貼心咁準備咗竹籤，田螺好新鮮，加埋有少少酒味一啲都唔覺得腥！
環境方面，有個落地玻璃夜境，七點半倒黎到睇到個天慢慢亮變黑，個view好正！座位好闊落，張凳有驚喜，坐得都幾舒服。抽氣同冷氣都好久夠，唔會好似其他火鍋店咁好大煙，仲有金魚同電視睇添！
食物方面，上菜好快，叫咗個雞煲就好快送到，半隻雞二個人都好夠食！今次叫咗小辣，小辣唔係好辣，食唔到辣嘅朋友都食到，我就下一次一定要食中辣啦！啲雞好滑，滑過晒所有任食雞煲嘅雞，味道適中。
打邊爐餸就叫左蟹柳，萵筍，鵝腸，全部都好入味，好新鮮！鵝腸好爽口，記得記得唔好煮咁耐。
仲叫咗個爆芝響鈴，即叫即炸，我傻傻地以為要煮下先食，原來係就咁食㗎！脆卜卜一啲都唔油膩，加埋芝士，感覺好邪惡，但係食完真係好幸福！
最後仲叫咗個辣酒煮田螺，好入味，亦都好貼心咁準備咗竹籤，田螺好新鮮，加埋有少少酒味一啲都唔覺得腥！
張貼
