影片
更多
2019-02-18
87 瀏覽
天氣突然又轉涼，最啱打邊爐。小兔子又話未曾食過雞煲，記得朋友之前有提過米走雞既雞煲，又俾我地行下行下見到佢地嗰水牌，咁就黎試下新嘢。好在我地早黎，坐到卡位。原來訂枱嗰d先有卡位坐。下次再黎都要記得先訂枱。環境都唔錯， 地方好闊落，擺滿餸都仲有位淨，唔錯唔錯。服務好殷勤，貼心。食物有質素。朋友真係無介紹錯。 好滿意 😋😋一坐低就侍應送上調味料架，好企理，乾淨。睇下有咩食先， 有個自創嘅芝士雞煲，獨家火焰麻辣雞煲。價錢$168- 238。 如果唔想食雞煲，都仲有其他湯底價$78-$208。 任君選擇。由於小兔子想食雞煲，就唔考量湯底喇。但我哋掙扎咗好耐，到底要芝士定係麻辣。 因為我哋兩個都唔食得辣，但又想試辣嗰個。 然後有位侍應姐姐可能見我地有選擇困難症，好熱情咁黎協助我哋揀。最後佢建議我地可以揀bb辣既麻辣雞煲 (即係得半隻辣椒，最低辣度嗰種) 然後煮雞煲嘅時候，辣油就淨係落一半。如果唔夠辣，先再加埋淨低嘅辣油。真係好彩多得佢，我哋真係連bb辣都頂唔順。😅😅😅 最終都無落哂d辣油。除咗麻辣雞煲，我哋仲叫咗日本帶子，翡翠苗，蜂巢冰豆腐，芋絲，雞髀菇，紅薯粉。 食咁多嘢，計埋醬油錢，加一，都
好在我地早黎，坐到卡位。原來訂枱嗰d先有卡位坐。下次再黎都要記得先訂枱。環境都唔錯， 地方好闊落，擺滿餸都仲有位淨，唔錯唔錯。服務好殷勤，貼心。食物有質素。朋友真係無介紹錯。 好滿意 😋😋
一坐低就侍應送上調味料架，好企理，乾淨。
睇下有咩食先， 有個自創嘅芝士雞煲，獨家火焰麻辣雞煲。價錢$168- 238。 如果唔想食雞煲，都仲有其他湯底價$78-$208。 任君選擇。
由於小兔子想食雞煲，就唔考量湯底喇。但我哋掙扎咗好耐，到底要芝士定係麻辣。 因為我哋兩個都唔食得辣，但又想試辣嗰個。 然後有位侍應姐姐可能見我地有選擇困難症，好熱情咁黎協助我哋揀。最後佢建議我地可以揀bb辣既麻辣雞煲 (即係得半隻辣椒，最低辣度嗰種) 然後煮雞煲嘅時候，辣油就淨係落一半。如果唔夠辣，先再加埋淨低嘅辣油。真係好彩多得佢，我哋真係連bb辣都頂唔順。😅😅😅 最終都無落哂d辣油。
除咗麻辣雞煲，我哋仲叫咗日本帶子，翡翠苗，蜂巢冰豆腐，芋絲，雞髀菇，紅薯粉。 食咁多嘢，計埋醬油錢，加一，都係490蚊左右。即係每人250蚊都唔使，真係幾抵食。銅鑼灣鬧市，可以坐得舒服，又可以慢慢坐，吹下水嘅地方真係唔多。 又發掘到 一個好地方。
雞煲我都好少食， 今次見嗰侍應喺我地面前點火煮嗰雞煲時，啲酒香味，麻辣味，雞味直撲埋嚟，真係未食，聞到都已經流曬口水。
好多雞件，目測都有至少10件， 件件都唔細。所以淨係食雞煲，其實我都已經飽咗一半。 雞好嫩滑，味道係偏甜，加埋紹酒嘅香味 同埋麻辣味， 再加埋吸哂醬汁既洋蔥，真係配合得天衣無縫，又要轉圈圈了~~~~
日本帶子，數過都有10粒。好新鮮。快烚幾分鐘就食得。無點縮水。唔錯。
嘢度另一個貼心位係，可以叫半份嘅蔬菜或者菇類。咁我地先可以試多d唔同既款式。叫左半份翡翠苗，成碗滿哂都係$24。真係好抵食。
蜂巢冰豆腐係餐廳其中一個王牌，真係覺得實至名歸。必定要點黎食，堅好食。 吸收曬湯底嘅精華。半份都係$24，有5大件。又係好抵食。
我同小兔子研究咗好耐， 點解雞髀菇可以切到咁大片，真係唔係好明。叫左又係半份既雞髀菇，都有十片。正~
芋絲同紅薯粉都不過不失，同出面食嘅，冇咩太大分別。
總括黎講，今次係一個愉快既晚餐，慢慢食，慢慢歎。想試既嘢有太多了，可惜只係得2個胃，唔試得哂全部。見人地隔離枱叫左好多嘢食，下次仲想試埋芝士雞煲，響聆，哈哈蝦同手打丸子。要記低先。哈哈哈。
張貼
