588
14
13
開飯介紹
此雞煲店以黃金芝士雞煲作招徠，除了可按喜好自選芝士分量，更可加湯變成港式火鍋。餐廳亦提供多款中式湯底，照顧不同口味的食客。
繼續閱讀
營業時間
今日營業
12:30 - 00:00
星期一至日
12:30 - 00:00
公眾假期
12:30 - 00:00
公眾假期前夕
12:30 - 00:00
以上資料只供參考, 請與餐廳確認詳情
有關獎賞計劃
食家推介
相關文章
終於和友人來到心水火鍋店～ 這裡有兩個招牌菜「黃金芝士雞煲」和 「火焰麻辣雞煲」 ～由於友人不太嘗辣，下次會再來～🌱黃金芝士雞煲(2-3人)作為招牌菜之一，店員分享芝士鍋是利用了5種不同芝士，再加有洋蔥、芫茜等等做配料，是芝士迷不能錯過。下單時可根據食量選擇大/小份量，而芝士也可選擇的情況下，當然要選激量🙃 火鍋上枱時真係嚇一驚，真係好多芝士🤣 雖然每件雞都大大件，但開火煮熱後，芝士係完完全全蓋過每件雞件😍 雞肉大部分都無骨且滑嫩～ 而加上芝士味道剛好不太漏，可以不停食，密密食～ 非常推薦👍🏻完成大部分雞件後，跟住就轉打邊爐。湯底可以選擇 豬骨湯或 芝士湯底，其實鍋底還有爆量芝士，建議轉豬骨湯會更好🌱 特級雪花肥牛 (小)一大碟牛肉，擺盤精美，清晰見到雪花比例完美，而且油脂分佈平均，入口軟嫩且有濃郁牛味，口感十分豐富！性價比高👍🏻🌱Wasabi鮮墨丸(半份)本身已經鍾意食墨魚丸，加埋wasabi入丸，非常刺激。(記得小心口爆wasabi!!!!)🌱鴨肝M5和牛丸(半份)牛肉味勁濃，煮熟入口咬落淋淋地，幾好味🌱銀菊露冰凍好味，是打邊爐良伴
繼續閱讀
難得放假同姊妹喺銅鑼灣shopping完，呢幾日天氣都好寒🥶🥶🥶，成日都想食啲暖野🥰，今次就搵咗渣甸中心嘅米走雞黎試，我地都行到好肚餓，叫咗個細嘅黃金芝士雞煲$208🧀🐔一份五香鮮牛肉$98🐮半份手打五寶拼盤$63同叫咗一壺清熱銀菊露$78黃金芝士雞煲其實我哋好期待食呢個雞煲😍😍因為上網見好多人都有試，評價都好好💛 佢有得簡少量，普通同埋激量芝士，洋蔥芫荽中芹呢d都可以走或者叫多啲，適合唔同口味嘅人💛💛 枱面其實一早已經有張紙話你聽點樣去食呢個雞煲😍😍滾咗之後我哋就開始食啦，雖然係細雞煲但係都有10幾件雞，芝士味超香，鹹香嘅芝士配上嫩滑嘅雞件，我哋本身都驚好溜所以只係叫咗普通芝士，但食落發現其實一啲都唔溜🤤🤤🤤🤤🤤食晒雞之後侍應就會過嚟一係加芝士湯一係加清湯，打邊爐開始啦🈵🈵🈵🈵🈵五香鮮牛肉鮮牛肉好嫩滑，本身已經有調味，同埋好重麻油香！牛味香濃🐮🐮🐮🐮🐮，店家亦都好貼心鋪肉係喺椰菜絲面🥬 牛肉大概漉10靚秒就可以攞上嚟食🤤🤤🤤🤤手打五寶拼盤係由5粒丸組成，包括豬肉丸🐷蝦丸🦐牛丸🐮墨魚丸🦑鯪魚丸🐟 粒粒都真材實料💛💛手打丸係特別彈牙🦷🦷🦷 我就建議d丸要漉耐少少，千祈唔好心急食啊😋😋埋單會加返每位$18醬料費，因為一開始店家會攞咗6款嘅調味料俾你自己簡，枱頭亦都放置左邊爐豉油😋😋總括嚟講，秋風起🌬🌬去食個雞煲都真係暖笠笠🥰🥰🥰🥰見到隔籬枱嗌佢個麻辣火焰雞煲，熊熊烈火燒起都幾過癮😂😂下次去一定要叫呢個黎試吓🤤🤤🤤
繼續閱讀
天氣涼涼地, 去食雞煲先~~今次揀左銅鑼灣渣甸中心上便既「米走雞」都幾方便~上到去用手機點餐,揀好食既野按個掣好快就送到上來~本身想試下佢地既皇牌芝士雞煲,但同行友人唔食芝士, 所以我地點左個「火焰麻辣雞煲」!可以選唔同辣度、多/少芫荽、洋蔥,我地就揀左BB辣+多芫荽~~調味料盤, 自己混醬~~火焰麻辣雞煲 (小) $198侍應上雞煲後, 會加熱一會,再開蓋兼點火爆炒, 即時香味四溢~ 雞煲用左大大件雞腿肉,厚肉又juicy, 配上麻辣汁、芫荽,好正~~食完辣雞, 就可以加麻辣湯或者清湯打邊爐添!!霜降PRIME牛板腱 (小) $198我地兩個人食, 小份都幾大份 XDD牛肉幾靚, 又有肉味~燙一燙就食得!手打五寶拼盤 (半份) $63包括有店家手打鮮墨丸、手打鮮蝦丸、手打鯪魚丸、手打豬肉丸、手打鮮牛丸,真係好爽口彈牙!個人喜歡鮮墨丸同鮮蝦丸~~Asahi (大支) $39食雞煲又點少得啤酒丫,呢度都有唔同選擇,我地選左Asahi share飲,一支剛好開兩杯, 爽!米走雞Deluxe 環境都乾淨企理,有2-4人卡位、8人大檯,無理係兩小口定一班朋友都OK無問題!
繼續閱讀
秋風起🍂就啱哂打邊爐啦🍲今次就去左位置銅鑼灣渣甸中心三樓嘅🧀米走雞芝士雞鍋專門店🐥。講得專門店招牌黃金芝士雞煲，第一次嚟當然就要叫啦！原來意個鍋食法有步驟嫁！首先大火煮滾，千萬不要左撩右撩！等到滾起後，再調到保温！不需攪拌先吃雞件，味道更濃！🥰最後加湯打邊爐🍲加入火鍋配料慢慢嘆！如果想食出前一丁芝士麵，滾麵時再加芝士碎更濃味！整體意個芝士雞鍋偏似西式白汁芝士香濃版味道，味道創新有特色^_^今次仲叫左即炸鮮響鈴、新鮮手打五寶丸、鮮製五拼餃，十分高質！有驚喜😍首先要講炸響鈴係新鮮即炸，上菜時仲係熱辣辣！新鮮手打五寶丸分別有墨魚丸、鮮蝦丸、鯪魚丸、豬肉丸、M5和手丸，口感彈牙味道鮮甜，每款相當好味😋鮮製五拼餃分別有鳳城水餃、M5和牛餃、鮮蝦雲吞、韭菜餃、菠菜豬肉餃，每款都係大大粒，咬落好有口感😋最後，當然就要帶返個出前一丁，嚟一個芝士撈丁啦！好邪惡好滿足😂今次買單只係$500左右，咁大煲雞加埋啲丸同餃，仲有面兩個人食真係非常之飽又抵食！下次希望可以多啲人去的話，就可以點多啲唔同嘅火鍋配料啦！芝士控們必去😏
繼續閱讀
想食好耐嘅米走雞今日終於食到啦之前一直都驚會好飽所以都無嚟食難得今次同行友人係大食朋友所以好成功地食到了霜降PRIME牛板腱 (大) - $298同我想像中嘅牛板腱有少少岀入不過牛味都好重唔會好韌又大大塊咁食完好滿足黃金芝士雞煲(小) - $208原來有分大同小，呢樣都幾貼心食唔晒造成浪費嘅機會又細咗👍🏼雖然我哋揀咗小份但雞嘅份量都好多雞件好嫩滑而且有得揀埋配料嘅份量激量芝士完全做到拉絲效果鵝腸 - $53好彩朋友都係鵝腸愛好者又係大大盤好似食極都仲有咁淥兩淥就OK了夠晒爽口鮮炸響鈴 (全份) - $58有少少後悔叫咗全份因為完成無諗過會係咁大嚿！吸晒啲芝士湯好正絕對係邪惡之選日本廣島蠔 (6隻) - $88雖然急凍咗但淥完都唔會話有好大陣雪味個Size亦都唔會縮得好細幾好鴨血 - $43全部厚切好正😂不過可能因為唔係麻辣湯底好似無平時咁好味鴨肝M5和牛丸 (全份) - $108嚟到嘅時候有啲驚喜因為好！大！粒！幾濃味嘅1粒丸，而且都幾彈牙食頭2粒都還好不過食多幾粒再加埋個湯底就覺得好鹹了如果想試多幾樣嘢食嘅話建議叫半份就好了因為都幾飽肚辛辣面 - $24唔知大家平時打邊爐洗唔洗一定要有個麵底同行友人就一定要食返個麵所以叫咗個辛辣麵俾佢不過今次係芝士湯底好似都係爭啲嘢咁下次要叫返麻辣湯底先好食辛辣麵。竹蔗茅根 (壺) - $78唔記得影相😅不過都幾大壺架，又清甜飲完即刻覺得呢餐無咁熱氣調味料嘅選擇都好夠👏🏽
繼續閱讀