霸嗎拉麵 (已搬遷) 新店位置

考完試經過銅鑼灣，去左登龍街食拉麵。冇黎成年，原來成條街變左拉麵街+食街。今次一於試試平時冇食過既拉麵店，估唔到又幾驚喜。醬炆雞叉燒味玉拉麵。$88我原先以為是雞肉+叉燒，原來是雞肉弄成叉燒的樣子！雞肉是厚切，嫩滑，沒有了平日吃豬肉叉燒的肥膩感。麵條有嚼勁，沒有我最怕的梘水味。湯底有醬油香，但不算濃。味玉是不可或缺的！好好味！蛋黃流心，蛋白好薄。因為想食番啲菜，就叫咗一碟枝豆。$20枝豆係即叫整，沒有霉味，頗新鮮。伴上黑胡椒碎，更添香口。不過一個人來講，份量都幾多，超飽。在芸芸拉麵店中突圍,確是不易。我覺得餐廳頗有特色，雞叉燒是我再次光顧的原因。