炯記手撕雞 (汝州街) (已結業)

朋友推薦深水埗炯記手撕鷄餐廳，今日終於可以一試，外賣自取有優惠，所以外賣返屋企食。今次order左小食麻辣手撕鷄$22，性價比好高，呢度D手撕鷄好出名，可以選擇原味或者麻辣味，今次要左麻辣味，都幾辣下，不過好惹味，鷄絲厚度剛剛好，唔會好柴，有D青瓜絲係底，增加風味。雙拼燒味飯 $44，叫左油雞同埋燒鵝腿 +$6，油雞鷄皮與鷄肉分佈平均，鷄肉滑溜有雞味，配有薑葱蓉同生菜。另外，燒鵝腿皮烤的好脆，鵝腿肉質軟滑，份量算多，米飯香甜，滿滿一大盒，好抵食。