可能因為太新，平日7點幾都無乜人。
本來對啲新鋪都無乜期望，但一入到去就見到有兩三檯韓國人幫襯， 個心即刻定啲。
點完菜好快就上咗一大堆小菜，起碼有7-8款，樣樣都好好味，最愛佢個魷魚同鵪鶉蛋😋😋
朋友點咗個醬油蟹，可能因為當時無乜客啦，個staff仲幫手拆埋蟹撈埋飯，勁正！！！
我哋又點埋佢個韓牛set， 油花靚但食落唔似日本和牛咁油膩，又濃肉味！
必點五花腩， 勁jucie！如果再多啲肥膏就無得輸
豆腐鍋都好飲，唔會太過濃味
可能之前喺韓國食過一個最好味嘅生伴牛肉太過驚艷，相比之下佢呢個略顯失色。但都推薦一試，牛肉無乜筋都嫩滑。
如果肉類部位嘅選擇再多少少就perfect!
呢間值得encore
