S2 Kitchen (已搬遷) 新店位置

今次係朋友帶路之下，去左一間係石板街旁的居酒屋。入面位置唔算多，目測只可以同時容納20人左右。呢度出名食海膽，於是我地叫左一客10層海膽杯。食落口感非常之豐富，佢每一層都用不同食材去堆疊，有海膽、拖羅魚蓉、蝦、海葡萄、三文魚子、海帶碎。成隻杯好似藝術品咁XD 海膽都非常新鮮美味，好難得係香港揾到好味嘅海膽我非常欣賞佢嘅蘋果沙律，沙律入面除左有蘋果絲之外，仲有蟹子，每一啖都好爽，好清新，而且十分開胃芝士年糕，咬開會流出熱辣辣嘅芝士，好滿足估佢唔到嘅，有喝個鮑魚雞翼，成隻鮑魚釀左入雞翼入面，食落啖啖肉，因為燒烤過，所以好香口因為海膽好好食，所以我地見左海膽燒岩蠔&拖羅海膽三色丼。本身隻蠔已經整得好入味，仲要加埋有有海膽&蟹子係面頭，真係無得輸～海膽三色丼上面都鋪滿左一堆海膽、三文魚子、拖羅魚蓉，超級豐富，比一般嘅魚生飯更好食試左2款壽司，有三文魚夾餅壽司&火焰卷。三文夾餅用兩塊餅干代替平時嘅紫菜，令到壽司多左份脆脆嘅口感～而火焰卷，係上碟嘅時候，侍應會幫碟卷物點火，等你可以熱住佢黎食最後我地試埋佢個海膽雪糕，雪糕有微微嘅海膽味，啱哂鍾意食海膽嘅我地