CHOO CHOO (已結業)

今日諗住去長沙灣攞番我部車，點知師傅話仲差少少野，叫我食個晚餐再去，咁我就喺附近揀間餐廳食個晩飯。點知，食出個驚喜，雖然呢間餐廳位置唔算方便，但特登去食，係絕對覺得值得！芥末籽燒雞牛油果沙律配糖心蛋一睇個賣相已經覺得非常吸引，色澤好鮮，擺碟好用心，淨係睇個賣相已經知道非常新鮮，個沙律醬汁味道非常之特別，酸酸地，但又唔會好酸，再加埋檸檬汁，好鮮，加上芥未籽，味道提升了層次，加落沙律菜同牛油果，味道一流，而且口感好正，牛油果既軟滑，加上沙律菜既爽口，仲有好香口又滑既燒雞，連沙律都整得咁好食，溫泉蛋絕對冇問題，又香又滑又流心是基本吧！整體呢個係超水準既沙律！泰式軟殼蟹羅勒葉墨魚麵一擺上枱面已經好吸引，除咗外貌好吸引之外，香氣四溢，而且用咗原隻軟殼蟹，食落好香嘅香蒜味，而且羅勒葉嘅香味完全深入墨魚麵裏面，軟殻蟹非常之脆，好香口，配上墨魚麵，簡直一流今次食咗兩道菜，兩道菜都非常之好味，食材新鮮，烹調方法一流，而且好特別，非常之有驚喜嘅一間餐廳！