燚 (已結業)

放假想食好d，揀左食燚 ，由廚師發辦😋😋😋🥗三文魚配田園沙律味道正常，好fresh🍳魚子醬溫泉蛋撈勻黎食，溫泉蛋入口滑溜，魚子醬鹹香味突出👍🍽️黑松露扇貝加BB蚌扇貝有黑松露汁浸住，味道濃郁BB蚌則甚有咬口，有嚼勁，味道ok。特別係碟旁則有些泡泡，食落口，味蕾上一陣陣柚子海鹽味滲出。澳洲牛柳5成熟，碟旁灑上竹炭鹽，牛味本身唔太濃，配合竹炭鹽就吊晒肉味出黎，岩岩好。宮崎豬豬肉肉爽唔鞋，碟旁伴有菠蘿汁，仲有菠蘿蓉，就咁食都已經好好食，豬肉點黎食，豬肉既醎味配上菠蘿既酸味，好夾好好食。招牌炒飯味道正常，蝦肉彈牙鮮甜。味增湯湯內豆腐極顯廚師刀工呈現左朵花出黎，令味增湯錦上添花咁🍮豆腐雪糕配紅豆爆珠馬卡龍紅豆🫘爆珠幾特別，坊間爆珠一咬就爆，紅豆爆珠入面就仲有紅豆粒，外面爆完入面有咬口 好煙煙韌韌。