影片
更多
2022-08-07
56 瀏覽
呢間小店門面唔太顯眼，座位都唔多，主打素食、低碳生酮fusion菜，食落都無負擔無咩罪惡感。Menu定期出新，菜式高質而且好特別，由阿根廷廚師一手主理👨🍳！但原來餐廳食物高質之餘，仲好有故事！餐廳起源自一隊慈善樂隊，但疫情底下好多表演停曬，佢哋轉而創立咗一個「抗疫行小組」，以臨時餐廳形式經營。餐廳聘請弱勢社群，比工作機會佢哋可以慢慢融入社會；每逢週末仲出車派健康飯盒同防疫物資比染疫同有需要嘅家庭！🫶🏻❤️------------------------------🧀◖波波水牛芝士沙律◗用咗意大利嘅水牛芝士，一切開啲芝士有流心，視覺上已經贏咗！芝士本身冇咩味，但juicy帶有濃厚嘅奶香，配搭番茄仔同黑醋，都可以擺上烘到香脆微辣嘅多士上面，口感豐富，好fresh！🧆◖蟹波波◗ $68有兩粒波波，本身聞到佢陣味仲以為佢係章魚小丸子，但原來係素㗎！波波炸到外脆內軟，食落真係有蟹肉嘅口感，有落到黑胡椒，微辣，仿真度都幾高！🍝◖百變千層麵◗話係千層麵，其實係長通粉，有少少薯蓉同大量芝士，焗到微燶好香好creamy，但如果自己食曬難免會有啲漏！🥠◖Pizza Calzone◗ $108喺today
但原來餐廳食物高質之餘，仲好有故事！餐廳起源自一隊慈善樂隊，但疫情底下好多表演停曬，佢哋轉而創立咗一個「抗疫行小組」，以臨時餐廳形式經營。餐廳聘請弱勢社群，比工作機會佢哋可以慢慢融入社會；每逢週末仲出車派健康飯盒同防疫物資比染疫同有需要嘅家庭！🫶🏻❤️
------------------------------
🧀◖波波水牛芝士沙律◗用咗意大利嘅水牛芝士，一切開啲芝士有流心，視覺上已經贏咗！芝士本身冇咩味，但juicy帶有濃厚嘅奶香，配搭番茄仔同黑醋，都可以擺上烘到香脆微辣嘅多士上面，口感豐富，好fresh！
🧆◖蟹波波◗ $68
有兩粒波波，本身聞到佢陣味仲以為佢係章魚小丸子，但原來係素㗎！波波炸到外脆內軟，食落真係有蟹肉嘅口感，有落到黑胡椒，微辣，仿真度都幾高！
🍝◖百變千層麵◗
話係千層麵，其實係長通粉，有少少薯蓉同大量芝士，焗到微燶好香好creamy，但如果自己食曬難免會有啲漏！
🥠◖Pizza Calzone◗ $108
喺today special個menu入面，Calzone即係pizza餃，係意大利嘅傳統菜式，外型漲卜卜，好似一隻巨大化餃子！外層掃左一層蜜糖，食落甜甜地，餅皮啱啱焗起，好香脆，餅邊好煙韌有咬口！內餡有素煙肉、蘑菇同芝士，簡單嘅配搭，食落覺得好新奇好特別！
🍌◖香蕉焦糖批◗ $58
好有層次感，面頭係自家製嘅cream，口感好厚實似食緊雪糕，仲有啲朱古力醬，然後係香蕉肉加焦糖夾層，唔會好甜，香蕉同焦糖嘅味道好夾！佢嘅餅底都好好食，比較實淨，應該係杏仁粉整成，帶有微微好天然嘅甜味，必試！
👑◖生命之王◗ $58
呢杯嘢好特別，第一次見！佢係用沙棘作為主體，好似有醒腦提神、護膚護肝嘅作用，本身佢係一種好酸嘅植物，加上Tonic同埋清甜水果汁，酸酸甜甜，清新解渴，推薦！
☕️◖時日手沖啡◗ $58
用黎自英國嘅時令咖啡豆，每一季都唔同㗎，味道偏fruity，好順喉！
🌟🌟Encore指數：9.5/10
------------------------------
餐廳menu、食材用料都食得到好高質，而且店員好friendly好talk得，有少少似快餐版嘅omakase咁！如果諗唔到食咩，店員會有好多recommendation，仲可以特別要求customise啲菜式！
最重要餐廳嘅理念好有heart好有溫度，喺香港真係買少見少！因為係臨時餐廳，本身話做到六月㗎咋，宜家仲有營業，唔知幾時就唔做㗎啦，好欣賞呢間餐廳，一定要大大力支持！
張貼
