亂炒一通 (已結業)

以前向葵興長大，差不多晚晚都向唔到地方食飯，相隔咗10幾年無黎，估唔到都無乜點變。今晚朋友帶路去一間隱世小炒店。小店位於和塘咀街附近，地鐵站行過去大約10分鐘左右，但四周圍有好多巴士站，小巴站，紅van 等等，所以都非常方便。餐廳招牌突出，而店名亦好特別，令人好易記得。雖然裝修簡單但環境乾淨光猛。牆身貼滿店家招牌小炒，而餐牌亦有好多選擇，真係多不勝數。被牆上poster 有杯叫'大話7'嘅飲品吸引了，立即叫咗杯試下。大話7甜話梅加柚子製成，飲落感覺潤喉清甜，清暑解渴！啫啫生菜煲我地先用筷子輕輕攪拌均勻之後等氣泡消失就立即試試，蝦醬味咸香濃味，生菜脆嫩鮮甜，豬頸肉有咬口，好有鑊氣呀！四季豆滑雞煲四季豆炒到非常軟身，雞肉用油炸過所以好香口又軟滑，醬汁香濃又有少少辣，好惹味，送餸一流。椒鹽金沙骨外層酥脆內裏軟嫩入味，最愛椒鹽小炒，令人一食停唔到口。