金亞淶泰國餐廳

今次同朋友嚟到荔枝角食飯，去咗工廈一間泰國菜！之前試過午餐套餐都幾抵食，今次試吓佢晚餐😆
一入到去俾佢餐牌大大隻嘅泰式脆皮燒雞吸引咗！我哋都一致想嗌半隻脆皮燒雞share嚟食😍跟住一人嗌咗一個主食；泰式豬髀船河、泰式豬頸肉飯配秘製辣汁
泰式豬頸肉飯配秘製辣汁，就算唔點辣汁啲豬頸肉都已經燒得夠惹味，點埋秘製辣汁味道更上一層樓！
泰式豬髀船河湯底濃郁，麵條唔會太腍，豬髀肉嫩入味。
等咗好耐脆皮燒雞先上枱，不過一見到就知好值得等！脆皮燒雞燒到個皮金黃香脆，一咬落去豐富嘅雞油滲晒出嚟，皮脆肉嫩啲肉仲係滑捋捋，超級香雞味絕對唔係冰鮮雞！
推薦大家如果去食一定要嗌泰式脆皮燒雞！

1