影片
更多
2021-10-19
39 瀏覽
朋友話佢公司附近有好嘢食，咁就緊係放工起行。原來佢搵到一日隱世拉麪店。朋友又真係幾犀利，因為拉麪店位置係平時行街都唔會去到，今次俾朋友搵到，叻！入到去鋪頭唔大，大概招呼到3至4枱嘅人客，但店員都好好俾我哋揀4人枱坐。麵有4款選擇，可以按個人喜好填紙揀麪嘅粗幼，軟硬同配料，朋友揀咗櫻花蝦辛辣拉麵，而我就係味增豚骨拉麵。本身因為唔瘋食得辣而放棄咗，但實際上個辣度得都接受到，炸櫻花蝦都好食，粉漿唔會好厚沾埋湯食夠惹味，朋友揀咗幼麪，幼麪原來都好掛湯仲好有咬口，下次可以自己挑戰一碗。味增豚骨拉麵都好濃味，有時太勁味增味會有反胃感，但呢度恰到好處，叉燒半肥瘦唔柴口，麪無梘水味，加埋大紫菜打咭效果非常好，80分！上網見食評都推薦串燒，當然都要叫幾串試下喇，兩個人叫咗雞心、雞軟骨同牛舌。雞心因為之前唔食內臟，但朋友想食，所以決定一試，原來食落都有啲爽口，又無內臟嗰種羶味，覺得下次可以再試。雞軟骨同平時放題食開嗰種一粒粒嘅好唔同，而係好似尖牙咁，好爽脆，再連少少肉，鹽燒反而比一般醃製嘅味道純粹，食到雞肉鮮味，牛舌都無落太多醃料，食到食材嘅真正味道!2個人食都係200多啲，都係合理價錢，小店要多多帶朋友
入到去鋪頭唔大，大概招呼到3至4枱嘅人客，但店員都好好俾我哋揀4人枱坐。
麵有4款選擇，可以按個人喜好填紙揀麪嘅粗幼，軟硬同配料，朋友揀咗櫻花蝦辛辣拉麵，而我就係味增豚骨拉麵。本身因為唔瘋食得辣而放棄咗，但實際上個辣度得都接受到，炸櫻花蝦都好食，粉漿唔會好厚沾埋湯食夠惹味，朋友揀咗幼麪，幼麪原來都好掛湯仲好有咬口，下次可以自己挑戰一碗。
味增豚骨拉麵都好濃味，有時太勁味增味會有反胃感，但呢度恰到好處，叉燒半肥瘦唔柴口，麪無梘水味，加埋大紫菜打咭效果非常好，80分！
上網見食評都推薦串燒，當然都要叫幾串試下喇，兩個人叫咗雞心、雞軟骨同牛舌。雞心因為之前唔食內臟，但朋友想食，所以決定一試，原來食落都有啲爽口，又無內臟嗰種羶味，覺得下次可以再試。雞軟骨同平時放題食開嗰種一粒粒嘅好唔同，而係好似尖牙咁，好爽脆，再連少少肉，鹽燒反而比一般醃製嘅味道純粹，食到雞肉鮮味，牛舌都無落太多醃料，食到食材嘅真正味道!
2個人食都係200多啲，都係合理價錢，小店要多多帶朋友支持～
張貼
