15
1
0
港鐵油麻地站 C 出口, 步行約1分鐘 繼續閱讀
電話號碼
61276820
營業時間
今日營業
11:30 - 22:00
星期一
11:30 - 22:00
星期二
全日休息
星期三至日
11:30 - 22:00
付款方式
AlipayHK 現金 八達通
其他資料
餐廳運作模式 - B類
食評 (16)
經過嘅時候毫不起眼,門面就有如係日本住宅區行過嘅地道拉麵店🇯🇵 直覺話比我聽會尋到寶😎店舖座位唔多,檯與檯之間有少許逼夾,但裝潢別緻用心,加入唔少日本元素🇯🇵👍🏻 加上店員由落單到煮食都一腳踢,都仍然保持禮貌友善,加倍恍如置身當地小店嘅感覺🥰《 季節限定 藍 清雞湯拉麵🍜 》 $85 4 / 5呢款做到10月尾就會轉嘅期間限定拉麵,用上「曲麵」做麵底,麵質爽彈有點似韓國拉麵🤤 藍色嘅清雞湯飲落同平常嘅無分別😛 有趣之處在於加入試管嘅檸檬汁後🍋 藍色嘅湯底會漸變成淺紫色,鮮味亦提升不少👍🏻😋 完隻溏心蛋更係精華所在,甜度熟度都拿捏得好😍《 黑 黑蒜油豚骨拉麵🍜》 $70 5 / 5一間拉麵店嘅靈魂一定係佢嘅豬骨湯底🤤🐷 加入左黑蒜油嘅豬骨湯更係鮮味倍增🤩 濃郁嘅豬骨湯底本身唔算好油膩,就咁飲湯亦唔會咸到要係咁飲水個種👍🏻反而骨膠原好足😍 黑木耳份量慷慨,口感爽脆!一解豬骨油膩🤤 而叉燒兩片又厚又大塊😋 如果燒得再焦香點仲正🤤🤤🤤《 串燒 蒲燒鰻魚 》 $30/串 3.5 / 5串燒感覺冇咁抵食, $30得一段鰻魚肉🥲 不過肉質鮮嫩無雪藏味,略嫌醬汁多左啲蓋左魚味😕《 汁燒雞心 》 $22/串 3 / 5雞心表面過焦,食落有點苦澀🙈 不過處理得乾淨,無腥味👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-27
223 瀏覽
放工去油麻地交收啲嘢.約埋朋友漫無目的咁搵嘢食.印像中油麻地果幾條街有好多煲仔飯同埋大排檔, 估唔到仲有間拉麵店.一開始有啲驚唔夠冷氣, 因為店舖冇門而且對街既廚房開大個窗, 好在入到去通風非常好完全唔覺得悶熱.睇餐牌見到有藍色湯底嘅拉麵, 叫做清雞湯拉面, 老闆娘話好多男人都揀依款, 咁啱我又係男人, 就聽佢講啦.老闆好神秘咁同佢哋講話有神秘menu, 係特濃雞湯拉麵, 係限量發售嘅.最唔受得限量兩隻字, 梗係叫啦~藍色拉面先到!蛋上有支筒仔, 待應話裡面係檸檬汁, 唧落湯底會由藍變紫湯底都幾香, 唔會好黏口, 面係我最鍾意嘅少少彈口, 軟硬適中.兩塊叉燒雖然對我嚟講瘦咗啲, 但都非常嫩滑.藍拉麵有成隻蛋, 我朋友果碗濃雞湯拉麵只有半隻.流心既質地啱啱好~照朋友講, 佢碗麵味道好濃, 雖然我冇食, 但氣味都聞得出, 好多蔥粒而且切得碎, 特別香呢度都有串燒供應一般去食串燒要等好耐, 今次等待時間算好快。燒鰻魚最緊要皮脆脆地, 而且唔可以太薄, 2樣都做到了~炸雞非常驚喜.上枱時見到濕濕地驚已經淋晒, 估唔到皮脆肉嫩, 裡面真係有汁既, 火候啱啱好, 同甜甜地嘅汁好搭.燒茄子原來唔係原條而係切片, 好在兩件都幾厚, 可以再燒耐少少烘乾啲, 但調味落得好足, 啱我重口味~最後係甘薯蛋糕, 店員話可以攤一攤先食, 可能驚太凍牙齒會痺, 好少有咁貼心嘅提示雖然都好食, 但感覺更深既係$16兩大件, 都好抵喎喺依個地區, 喺依幾條街, 有唔錯質素既拉面, 有啲驚喜.食得好滿足, 絕對有下次! 繼續閱讀
(以上食評乃用戶個人意見 , 並不代表OpenRice之觀點。)
今次經朋友介紹,去左油麻地試一間新拉麵店,叫做MAKI,佢竟然身處於廟街牛雜隔離,完全幻想唔到會有一間日本拉麵店。我都係抱住無咩期望嘅心情,因為香港做日式拉麵,好多都做得唔似樣,我係日本食過好多拉麵,總係有幾種口味特別喜歡,係香港食唔返的。睇睇餐牌,就係佢啦!傳說中要來一試的藍色雞湯拉麵!除左藍色雞湯拉麵,我仲說服我朋友叫一D比較顏色鮮艷嘅拉麵比我影,為求畫面豐富D呀嘛!所以我地另外點左辣味豬骨湯拉麵 + 味噌拉麵。先黎講下呢碗【藍色雞湯拉麵】話說日本東京「本所吾妻橋」有一間叫做 「吉法師 KIPPOSHI」,佢原創左一款鮮藍色的藍色雞湯拉麵,觸目度甚高!我當然就係為左佢而來一試,到底係咪抄襲日本名物呢?藍色【清雞湯拉麵】HK$85但估唔到係,佢用左另一種食材「蝶豆花」去製作湯底,加入大量雞肉,湯汁有好濃重雞肉味,但佢感覺唔油膩,好清新,唔會覺得食左好肥咁。而且佢配料都好多,有兩片豬肉叉燒,就算咬過佢都唔會散開,做得好結實。仲有原隻雞蛋,好足料!雞蛋上面仲插住支野,係咩黎?麵質較粗身,吸湯力夠,麵質彈牙,唔錯。原來佢會比一支檸檬汁你唧落個湯,令佢變成紫色!呢個就係蝶豆花嘅特性!落完檸檬汁,食落仲有檸檬酸咪咪嘅感覺!紅色【櫻花蝦辛辣豬骨湯拉麵】HK$70呢碗橙紅色的 辣味豬骨湯拉麵,店主話佢係以九州拉麵以福岡最出名嘅豬骨湯底風格製作。果然真係豬油味好重,豬骨湯好濃極濃,可以話係我香港第一次食到真係日本食嘅味道,大驚喜!麵質同雞湯拉麵都唔同,佢係用左幼麵,因為濃湯用幼麵會較適合,真係相當認真!而且口感同味道都係我東京中野「豔MARU」食到嘅感覺,真係好似去左日本食拉麵!湯底落左好多櫻花蝦所以好香蝦殼味,好似蝦餅果種香味。湯底微辣,唔係真係想像中咁得人驚,而且仲帶少少甜味,應該係豬油嘅甘甜,超好食!我連湯都飲埋!上面一件非常搶眼就係櫻花蝦餅,雖然比湯浸過,但佢變成上脆下軟,軟得黎唔會腍哂,反而似食緊蝦餅好煙韌,真心正!會再翻啅!橙色【味噌豬骨湯拉麵】HK$75以豬骨湯底製作,所以豬油味都好香好重,超濃郁嘅口感,味噌味好香,咸咸地,微辣帶甜,呢一碗比較簡單,但都好好味!豬肉叉燒唔會散開,肥瘦均勻,真心抵讚!問返老闆,點解佢碗碗麵嘅質地都唔同,原來係因為佢每一款都以日本唔同地區拉麵為主題,所以要配合返當地湯底口味同麵質口感。認真傾談之下,原來大廚係日本拉麵店學師4年,每年都會轉去不同地區學習拉麵製作,所以我真係食到好多日本地道嘅拉麵口感!大感動!大廚表示而佢地所有麵條都係採用日本材料於香港廠房製做,相當新鮮可靠! 另外我地幾個人,仲叫左一碟串燒試下雞心 -彈牙,醬汁好甜,唔苦唔腥,少甘香,呢個有驚喜 泡菜豬肉 - 好香泡菜好fresh,豬肉油花好重,兩者平衡得好好雞軟骨 - 卜卜脆,黑椒香,帶少少雞肉咬口,中規中距 雞腎 - 爽彈牙,好原味,無乜調味。 牛舌 - 好厚肉!但有筋,難咬少少,好香牛油味,都好腍好易咬。HK$28咁大串性價比算最高。大蔥雞肉  - 大蔥好香甜,帶辣。雞肉好結實好大件,但嫌醬汁唔夠多,可以再多D。鰻魚 - 味道正常,不過不失,無驚喜,份量有點少,嫌唔夠喉。成餐最滿意係紅色櫻花蝦湯拉麵,我諗我黎緊可能一星期要食一次,止下日本癮先!店內環境都好有日本居酒屋小店感覺,當去下旅行咁止下癮都唔錯,好過去好多連鎖拉麵店呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-16
0 瀏覽
收工約咗朋友係油麻地附近搵野食,上網見到有間拉麵小店過去試吓先,呢間小店位於油麻地內街,平時都好少行去果邊,門面非常日式,內裏都掛咗好多日本風嘅布畫🇯🇵座位唔算好多,但都比較寬敞,店員服務好好,會同我哋介紹食物,有白、黑、赤、橙同季節限定5款唔同嘅拉麵👍🏼首先送上漬物,今次係漬牛蒡,清清甜甜有咬口,開胃前菜😋店員話間唔中都會轉下,咁再黎都唔怕悶,好細心🤣季節限定-藍清雞湯拉麵店員話加咗碟豆花,所以湯底會係藍色,有啲夢幻嘅感覺,插係蛋上面檸檬汁,先試吓個藍色雞湯,十分清甜,之後加上檸檬汁可以自己調教合適嘅味道,加完湯底會由藍轉紫,係另一種風味,味道帶出咗小小鮮味👍🏼麵底都係唔同款,比較彈牙,原隻唐心蛋好入味,2舊厚身叉燒燒到邊位焦香,食落淋嫩,一啲都唔鞋😋仲有2塊細紫菜。店員話呢款季節限定做到今個月10號,期待下次既新限定款!😍赤-櫻花蝦辛辣拉麵赤紅色嘅湯底,湯底唔係好辣👍🏼麵底係幼身,一塊好大塊嘅紫菜😂厚身叉燒,半隻唐心蛋,櫻花蝦用黎做咗天婦羅🍤比較特別唔會好油,浸落湯底帶少少辣味都幾好食😋魔鬼燒魚翅乾熱辣辣咁上菜,所以好香脆,而且又唔怕燒得乾,我覺得係拉麵店食到咁高質既係好驚喜😳厚燒牛舌表面焦香,內裏粉嫩,肉厚多汁,真係大件夾抵食😳再叫左兩款甜品,日式芝士蛋糕有好香濃芝士味,口感好細滑👍而卷蛋除左賣相吸引,外面蛋糕部分都好軟熟,𥚃面甘薯餡既質感似雪糕,整體好有驚喜🥰 繼續閱讀
(以上食評乃用戶個人意見 , 並不代表OpenRice之觀點。)
拉麵之旅來到油麻地新開張的Maki拉麵,座位不多,約可以容納15-20人,小店經營模式,店員有禮貌得來幾溫暖的感覺,像極了日本的居酒屋!拉麵選擇主要有四款,加一款限定的藍色湯底的拉麵,但我比較保守,選了傳統味噌豚骨拉麵。【味噌豚骨拉麵】先淺嚐一啖湯底,味噌香味溢出,豚骨味道亦幾突出,不肥膩。拉麵是黃色橡筋那款東京拉麵,溏心蛋中間軟熟又甜,叉燒有兩片,微微燒過,油脂味道甘香。【汁燒茄子】醬汁甜甜的,茄子又燒得香口。【雞肉大葱】雞肉很鮮嫩,啖啖肉,不過大葱就有點生。【厚燒牛舌】煙韌得來,咀嚼得到,味道又濃郁。【鹽燒雞翼】保留到肉汁,外皮又幾香脆。【福岡芝士蛋糕】新推出的產品,芝士味道濃厚,甜度適中,不會太濟。 繼續閱讀
(以上食評乃用戶個人意見 , 並不代表OpenRice之觀點。)