玄鮨 (已結業)

今日喺銅鑼灣食lunch，聽日講呢間晚餐非常高質，就決定嚟試下佢嘅午餐。我同朋友分別叫左2個午餐。🍽黑豚肉生薑燒套餐🐖餐前小刺身盛🐟有拖羅、赤身、帆立貝等等，全部都非常新鮮，拖羅特別正，直頭入口即融。🦐櫻花蝦麵豉湯本身以為普通麵豉湯，點知一打開充滿蝦湯味，驚喜。🐽黑豚肉生薑燒黑豚肉上面鋪滿煮得入味溶爛嘅洋蔥，黑豚肉外皮煎得香脆，入面非常爽口，原來用左豬頸肉。配菜有大量新鮮沙律菜，十分健康。🍲最後仲有個湯烏冬，食到我勁飽。朋友就叫左和牛sukiyaki套餐，除左主菜，其他嘢都係一樣。🐄和牛sukiyaki有旺菜，火箭菜，冬菇，口腐，金菇同埋最重要嘅和牛片。配菜全部都已經煮好入晒味，和牛油花豐富，入口即融，仲可以撈埋生雞蛋食，滑溜嘅蛋液同和牛簡直絕配。🤤💁🏻‍♀️食完個咁美味嘅lunch又要落去返工了。