Hidden和洋食屋

營業中

休息中

係九龍灣行完megabox就去附近睇下有咩好食，見到樓下D廣告就上黎呢D，呢到裝修好靚，環境好chill，好岩同朋友黎傾下計食下野。呢到最近仲做緊推廣，買枝豆，有得無限飲sapporo啤酒，好抵!! 不過今日唔係太想飲酒就飲佢D特飲! 我地叫左A4黑毛和牛壽喜燒，D牛睇圖都見到幾靚，肉質好嫩滑。壽喜燒入面有好多料，有芋絲，豆腐，蟹棒等等，好足料! 仲可以轉餐，有埋味噌湯，沙律同飲品。味噌湯幾唔錯，有蜆所以好觧。原本係跟飯，我轉左稻庭烏冬! 差唔多食曬壽喜燒入面D料再落烏冬勁好食，吸曬湯，隻烏冬仲好彈牙。另外叫左雞皮餃子同埋鹽麴唐揚炸雞，個人比較鐘意雞皮餃子，好香口! 而且佢配埋個明太子沙律醬，好好食! 特飲叫左巨蜂提子乳酸梳打，好唔錯!! 最後追加玉子燒， 蛋好滑，比我想像中大份！呢間小店值得多D關注呀!