六合小廚 (已結業)

早兩日去開尖沙咀行街睇戲，之後就去搵嘢食啦，行下行下，喺Apple Store隔離見到呢一棟大廈有好多餐廳咁。我哋揀一陣，見到呢一間7樓嘅六合小廚好似都有好多選擇，又有蟹又有炒小菜，燒味等等，咁我哋就決定晒試吓啦。一上到去個老闆都好好態度咁接待我哋，睇左餐牌呢，佢有好多唔同嘅套餐，亦都有散叫，小菜，車仔麵，燒味嗰啲。我哋就揀一個，煎蠔餅，老闆強烈推薦呢個係佢哋ge招牌菜。之後仲有避風塘炒茄子同埋一個潮式炒河咁。呢三個菜好慣上台啦，每一碟個份量都好大份，真係好大份！碟碟都係熱辣辣，好香口嘅。咁特別要我講個蠔餅呢，老細真係無介紹錯，係值得一試嘅，因為佢啲蠔好大粒，煮嘅方法都好唔錯，食得出係有心機嘅嘢。有機會嚟開尖沙咀都可以一試！