影片
更多
2020-02-16
57 瀏覽
自從疫情開始左就好多日無出過街，但姊妹生日都要慶祝下既就去左佢屋企附近既呢間日本野，感覺上豪d~唔知係因為太耐無出街食飯，定因為佢用QR code落單我地唔知唔覺就叫左勁多野食，根本係 3 人份量 haha刺身4點盛B 三文魚 3 片 油甘魚 2 片 甜蝦3 件 赤貝切開 3 片三文魚油甘魚相對出色，非常厚身肥美，上枱個陣我地嘩左一聲甜蝦都好大隻好鮮甜厚燒鰻魚牛油果卷一碟有六件，我本身無諗過咁大件咁足料 個咀太細一啖食唔哂鰻魚真係好厚身 又無骨 加埋牛油果既清新感好夾 飽都照食哂千迴火鳥 3 隻我係雞翼迷 見到佢寫住微辣就忍唔住叫左佢個辣都唔小野 好夠刺激感 連本身唔特別中意雞翼既朋友都大讚個皮燒得好香 入面肉質嫩滑 拎住竹籤食非常方便櫻花蝦泡飯 比較少見日本餐廳有魚湯泡飯 果然都無令我地失望!上枱時個石鍋係熱既，職員教要趁熱加湯落去 仲可以自己加蔥同脆米最好加完湯就快 d 趁熱食 唔係 d 飯會索哂 d 湯 不過吸收哂魚湯既飯粒又係另一個 level份量好滿足 食完呢個即刻飽左九成~~香芒燻鴨胸黑醋沙律以沙律尼講呢個份量真係好多! 好彩有叫清新既芒果沙律解下膩平衡番 唔係都唔知點食哂
就去左佢屋企附近既呢間日本野，感覺上豪d~
唔知係因為太耐無出街食飯，定因為佢用QR code落單
我地唔知唔覺就叫左勁多野食，根本係 3 人份量 haha
刺身4點盛B
三文魚 3 片 油甘魚 2 片 甜蝦3 件 赤貝切開 3 片
三文魚油甘魚相對出色，非常厚身肥美，上枱個陣我地嘩左一聲
甜蝦都好大隻好鮮甜
厚燒鰻魚牛油果卷
一碟有六件，我本身無諗過咁大件咁足料 個咀太細一啖食唔哂
鰻魚真係好厚身 又無骨 加埋牛油果既清新感好夾 飽都照食哂
千迴火鳥 3 隻
我係雞翼迷 見到佢寫住微辣就忍唔住叫左
佢個辣都唔小野 好夠刺激感 連本身唔特別中意雞翼既朋友都大讚
個皮燒得好香 入面肉質嫩滑 拎住竹籤食非常方便
櫻花蝦泡飯
比較少見日本餐廳有魚湯泡飯 果然都無令我地失望!
上枱時個石鍋係熱既，職員教要趁熱加湯落去 仲可以自己加蔥同脆米
最好加完湯就快 d 趁熱食 唔係 d 飯會索哂 d 湯
不過吸收哂魚湯既飯粒又係另一個 level
份量好滿足 食完呢個即刻飽左九成~~
香芒燻鴨胸黑醋沙律
以沙律尼講呢個份量真係好多!
好彩有叫清新既芒果沙律解下膩平衡番 唔係都唔知點食哂成枱野 XD
燒芝士年糕
後尾先發現朋友唔識死咁叫左芝士年糕 哈哈 減肥無望喇
好彩食落都唔係好漏 如果個皮薄少少就更好喇~
我地 7 點到都仲有幾張吉枱 估唔到一到 8 點出面開始排隊
你就知呢間餐廳幾受歡迎
的確佢既選擇係超級多 食物質素又好
如果下次再尼呢區 會想試埋佢 d 火炙壽司同刺身飯呀~
張貼
