拾伍 (已結業)

中環呢間隱世小店有四層，黎到門口，唔講都唔知佢係一幢有餐廳有零售既店舖。門口有一個月亮吊住，一睇就知係一間好多打卡位既餐廳，門口都可以坐兩個人飲下酒食下小食，除左門口有位，入面都仲有幾張枱都可以坐，地方唔係好大。服務員示意我地上去三樓，一路行樓梯上去，沿途都係各式各樣既佈置，非常有心思，可以隨便影相打卡。去到二樓，有啲驚喜佢竟然係零售店賣野，再上多層先係坐低食野既地方，三樓啲位置大啲，係大梳化。食物方面，有幾種便檔同各樣小食選擇。黑松和牛漢堡盛當，個名太fancy唔可以唔點，果然厚厚既牛肉堡配上黑松露汁，相當美味，另外仲有兩個飯團🍙，小食首選。除左佢小食，一定要點名杯酒試下，叫左杯the future，個名吸引得黎又特別，飲入口帶種甜味，好岩女仔飲。總括黎講呢間店好適合中二影相既女仔黎。