拉麵達人 (已結業)

好少到佐敦，唔係要上堂都唔會行開果邊。放 lunch 既時候左兜右轉就到左呢度，望落個門面都幾唔差，就入去嚕。餐廳座位唔多，不過就算坐滿都唔覺有擠逼感覺，反而係如果一班人去會好 warm。後尾先知店家會寧願叫人等等都唔想客人坐到唔舒服錦食。由於我一個人唔食得多，所以只係可以試到碗拉麵同紫薯年糕。紫薯年糕有少少似上海豆沙窩餅，不過佢煙韌少少，再加上岩岩整好熱辣辣，正野博多拉麵賣相唔錯，湯汁夠稠夠濃厚，飲完會"漿"住口而且有少少偏咸，但係可以加清湯溝淡碗拉麵少少既。叉燒有少少燒焦既感覺，岩曬我胃口。麵我唔識分點先叫好，不過我覺得有少少偏硬，但係都可以接受既。美中不足係無我鐘意食既溏心蛋，感覺食完碗麵硬係有少少唔完滿。餐廳服務其實幾好，不過我果曰唔得閑搵下職員聽佢地介紹下，下次有機會可以再去過。