蟹仙海鮮蒸碢大公館

營業中

休息中

海鮮就係魚蝦蟹，仲有貝殼類，鮑魚都唔少得。呢個海鮮蒸鍋，就係有齊晒上面嘅食材。較為特別的係魚，日本喜知次一夜干。大鄉里，似是鹹魚又唔係鹹魚，似是新鮮魚又唔係新鮮魚。我形容佢係鹹魚與新鮮魚之間。一魚兩種味道。除了魚特別之外，還有日本大赤蝦，貝殼類有刀貝，月亮貝，青口，鮑魚，奄仔蟹，開邊龍蝦等等新鮮海產。店員服務週到，為客人蒸煮海產，鍋邊有個時間掣，蒸煮時間啱啱好。食完海鮮後，再食個海鮮粥。所有蒸過的海鮮精粹都流入粥鍋裏面。唔使多講，都可以知道粥的美味。但係呢一次，嗰啲粥好似杰咗少少，有少少似潮州粥，但其味無窮。