男閨蜜帶左我地到銅鑼灣消防局附近既一棟大廈，終於到達目的地：凡高廚房！
個名，一聽就知係藝術型啦，入到去餐廳，有張「士錄架」檯，隔離就有千秋同類似油畫裝修。全部都係彷如外國郊外餐廳佈置，其中有幅凡高畫錶起在酒櫃上配有向日葵，好適合Ark like其實。
（所以男女閨蜜都要我幫手影相）
好，終於到食咩啦（我唔從前菜講啦，都係正常野）我地個日食左推介既原隻燒雞，皮簿肉嫩，但係我最難以忘懷既其實係配菜之一既薯仔。一食落口，以為係炸過來既甜薯，因為表面好香脆又甜甜地，但再食落去內裡既牛油鹹香薯仔的味道出來了，這是層次分明的薯仔！
（我即刻問老闆，老闆本身都係好神奇既人，有IT唔做走去學廚，最後開左呢間藝術餐廳。叫凡高因為他其實在加拿大唸電腦時再復修藝術，想逼死誰啊⋯⋯
）
老闆讚我識食，將薯仔基本處理後加入忌廉牛油再落鍋炸，表皮就會香甜香脆！
仲有個蘑菇湯，哇，不！得！了！，多種菇類攪拌加上濃濃牛油香味
，真係想要encore（注意⚠️餐包係熱架！我見識過好多餐廳唔會間間都肯整熱。）個鵝肝risotto 都係值得食，兩者配搭食起來讓你知道什麼是高層次享受！
（得，我知鵝肝......不過都係一次咁姐.....）
個酒煮青口連原本怕酒味既女閨蜜都話讚，完全不會有好重酒味蓋過鮮味既送。
個羊架都係招牌菜式，食過你知道咩係靚羊架，一分錢一分貨！
最後，老闆見我地三個人將原本只係一款甜品款式變為三款特別甜品俾我地，好鬼客製化服務！抵讚！
平時好難Book既，今次估唔到男閨蜜咁有責任心❤️！
