影片
更多
2016-12-04
320 瀏覽
上次嚟呢度嘅時候見到全部排晒長龍，成埋人喺門口。諗住呢度開咗間乜嘢咁誇張啦？原來係日本魚生飯。通常人就係咁樣，越多人排隊嘅地方就越多人想試，冇人去嘅地方真係請你都唔會入去。抱著呢個心態，我都去左試，好彩今日排唔算多人，等左十分鐘左右就入到去。入面高朋滿座，全場滿唒，但地方唔算大，坐得稍為逼左小小。但係感覺還算係ok嘅，地方都乾淨整潔。睇咗個圖畫之後，一心就想食拒最出名的海膽飯。但入到去見到個價錢238蚊，果真有點貴，唔捨得。。。所以就叫左個加拿大海膽手卷止下痕先，果真好好味，入口味道好creamy ，味濃，就算唔點豉油食都好食。另外叫左個三文魚帶子甜蝦丼，見到隻蝦已經立即覺得抵食。依我覺得呢個蝦嘅size係加大型，多肉，長身，個頭仲有膏，真係好鬼正。三文魚都算係厚切，顏色鮮豔，明顯係新鮮貨，食落鮮甜。飯另外仲拌有三文魚子。再叫左個三文魚角切加吞拿魚蓉，呢個都好食，但相比上面嗰個就遜色左d。呢個三文魚係切粒，肉應該係經淹料淹過，味道幾好，但始終唔夠自然的鮮甜味來得好。上面的吞拿魚蓉就值得讚下，我平時唔多中意食，好怕拒陣草甘嘅味道，但呢到都將拒加工左，無左陣草青味，就算徘徊係個口到耐d都o
入面高朋滿座，全場滿唒，但地方唔算大，坐得稍為逼左小小。但係感覺還算係ok嘅，地方都乾淨整潔。
睇咗個圖畫之後，一心就想食拒最出名的海膽飯。但入到去見到個價錢238蚊，果真有點貴，唔捨得。。。所以就叫左個加拿大海膽手卷止下痕先，果真好好味，入口味道好creamy ，味濃，就算唔點豉油食都好食。
另外叫左個三文魚帶子甜蝦丼，見到隻蝦已經立即覺得抵食。依我覺得呢個蝦嘅size係加大型，多肉，長身，個頭仲有膏，真係好鬼正。
三文魚都算係厚切，顏色鮮豔，明顯係新鮮貨，食落鮮甜。飯另外仲拌有三文魚子。
再叫左個三文魚角切加吞拿魚蓉，呢個都好食，但相比上面嗰個就遜色左d。呢個三文魚係切粒，肉應該係經淹料淹過，味道幾好，但始終唔夠自然的鮮甜味來得好。
上面的吞拿魚蓉就值得讚下，我平時唔多中意食，好怕拒陣草甘嘅味道，但呢到都將拒加工左，無左陣草青味，就算徘徊係個口到耐d都ok，好似接受。
中午大概有10幾個餐可以選，跟餐多個中華沙律同麵豉湯。
我成日都話食好嘢，要排隊唔緊要。但最怕係排完隊覺得唔值得，但呢到比左個好嘅感覺我。食前覺得價錢係貴，食後就覺勝價比高。儲番個幾月錢，再去挑戰我嘅目標--海膽丼先。張貼
