影片
更多
2022-11-29
491 瀏覽
🌟餐廳：香江花月📍地址：荃灣大壩街4-30號荃灣廣場6樓621-630B號舖💰價位：～$400 ⏰營業時間：星期一至日12:00–23:00📱電話：2186 0917 / 6637 6688 (Whatsapp)香江花月，一個充滿懷舊色彩、形容老香港既名字～最近興起一股復古風，今日黎到呢間「香江花月」，餐廳以50-60年代舊華人洋行作主題，擺滿歷史舊物，例如留聲機、舊式電話等陳設，裝潢富麗堂皇，環境寬敞舒適～食火鍋前，已經可以讓眼睛去旅行，一入到門口位置，已經有一個充滿Teamlab風格及驚喜既空間，入面掛滿發光既夢幻波波，除左會不定時轉換顏色外，更呈現七彩既色調，配合鏡子折射，成個環境好夢幻，岩哂影相打卡！———————————————————🔹白湯人參黎到呢一個咁懷舊既環境，我地就點左個好養生既白湯人參鍋，同媽媽一齊補一補！湯底以人參，當歸，杞子等藥材配上白雞湯熬制，有補氣養血功效，岩哂我呢d經常手腳冰冷既人～配料仲有豆腐同鴨血，完全吸收哂湯底精華，特別香嫩滑溜~———————————————————🔹香江拼 一款令人尖叫既招牌牛肉拼盤！猶如食緊一個宮廷菜菜式咁，擺盤夠哂華麗～餐廳
📍地址：荃灣大壩街4-30號荃灣廣場6樓621-630B號舖
💰價位：～$400
⏰營業時間：星期一至日12:00–23:00
📱電話：2186 0917 / 6637 6688 (Whatsapp)
香江花月，一個充滿懷舊色彩、形容老香港既名字～
最近興起一股復古風，今日黎到呢間「香江花月」，餐廳以50-60年代舊華人洋行作主題，擺滿歷史舊物，例如留聲機、舊式電話等陳設，裝潢富麗堂皇，環境寬敞舒適～
食火鍋前，已經可以讓眼睛去旅行，一入到門口位置，已經有一個充滿Teamlab風格及驚喜既空間，入面掛滿發光既夢幻波波，除左會不定時轉換顏色外，更呈現七彩既色調，配合鏡子折射，成個環境好夢幻，岩哂影相打卡！
———————————————————🔹白湯人參
黎到呢一個咁懷舊既環境，我地就點左個好養生既白湯人參鍋，同媽媽一齊補一補！
湯底以人參，當歸，杞子等藥材配上白雞湯熬制，有補氣養血功效，岩哂我呢d經常手腳冰冷既人～配料仲有豆腐同鴨血，完全吸收哂湯底精華，特別香嫩滑溜~
———————————————————🔹香江拼
一款令人尖叫既招牌牛肉拼盤！猶如食緊一個宮廷菜菜式咁，擺盤夠哂華麗～餐廳用一個圈形竹圈圍住火鍋爐，上邊擺放8款特色牛肉，包括安格斯牛肉、牛柳粒、牛心頂、牛小腿、牛白肉、手切肥牛、黑栢葉及牛舌，部份牛肉部位砌成一朵朵花擺盤，好吸晴，極有心思！
每一款牛肉部位各有特色，特別推介安格斯牛肉，除左佢砌成一朵花擺盤，賣相靚靚外，牛肉厚簿適中，入口嫩滑之餘又有口感，充滿淡淡牛脂味！
———————————————————🔹七彩餃子
另一款相機食先既食物😆餐廳以充滿古色古香既木架上菜，每一格都放一件飽滿而顏色鮮艷既餃子，包括:
金華火腿菜肉餃(橙色)
粟米午餐肉餃(黃色)
香菇薺菜餃(綠色)
蟲草花菜肉餃(藍色)
和牛香茜餃(紫色)
黑松露蟹肉餃(黑色)
姬松茸野菌餃(白色)
我地最鍾意蟲草花菜肉餃同黑松露蟹肉餃，呢兩種餃子係坊間都比較少見，估唔到2種材料製成餃子會咁夾，係一款好有心思既手工火鍋配料！
———————————————————🔹特色飲品 - 異世界、桃花緣
餐廳菜式及餐牌設計都極有心思，估唔到連飲品既設計都比到人一種好夢幻既感覺～
異世界：以奇異果汁為主，再入蘆薈汁及梳打水，顏色鮮艷之餘，仲有豐富維他命C，岩哂食完火鍋幫助消化~
桃花緣：另一款好岩打卡既特色飲品，自家製桃肉啫喱配上乳酸梳打水及新鮮日本桃肉，成杯粉紅色，味道酸酸甜甜，解膩一流~
仲有上枱時店員會即席以煙燻槍打上一個桃味氣泡球，充滿儀式感，仙氣十足！
———————————————————😋味道：4/5
🏢環境：4.5/5
💁🏻♀️服務：4.5/5
💵價錢：4/5
🤟🏻性價比：4.5/5
———————————————————
👅整體小總結
香江花月食火鍋個感覺就好似遊歷左一個老香港既故事咁～
除左裝修及陳設外，上至餐牌、食材設計，下至食材飲品既味道，都別樹一格！所有野都好適合瘋狂影相打卡，輕輕鬆鬆同媽媽渡過左一個好舒適既晚上，大推！！
張貼
