美心MX (已結業)

跟住大人行街,總係要食快餐,自己冇權話事...冇辦法,因為佢地只係鍾意去快餐食,而對茶記恨之入骨,覺得茶記d野難食,又多人食煙...但我想:禁煙條例實施,又點會多人食煙?就係咁,又入左去快餐食...因唔想次次都公司三文治,今次就試下個田園pizza+豆漿...當然,快餐的pizza都唔可以預期咁好食...田園pizza唔大件,有d粟米,菠蘿,火腿在上面,黎果時唔熱...茄汁底,邊脆內軟,但d料幾難切,同埋散哂...ok好食,但係就比較麻煩...至於豆漿就ok甜...$15.5都幾抵食...始終快餐都有佢的好處,雖然唔係特別好食,但並唔係人人都有錢日日食貴野...間唔中食快餐,個人認為冇乜問題...當然,成日食就梗係唔好啦...