影片
更多
2012-12-25
27 瀏覽
就何洪記嘅食物質素而言，本人係覺得冇問題嘅。但其服務質素，我覺得實在值得商榷。先講食物，是次用餐所點食物如下：豬手麵 ﹣ 外子話好好味，南乳汁亦好正叉燒酥 ﹣ 正常好味嘅叉燒酥一舊齋春卷 ﹣ 唔係味道嘅問題，而係你怎能夠容忍一碟如斯油淋淋嘅春卷，仲要係我俾緊咁嘅價錢，唔係食緊茶樓8蚊特價點心。當我夾起第一件春卷時，見到碟底一片小水灘似的油光，實在有點倒胃“生磨”芝麻糊 ﹣ 感覺同响超市買嘅即冲芝麻糊沒有兩樣 （可能某些即冲品牌更好味一點）。基於 貴舖並不以甜品馳名，本來我亦無話可說，但試問一碗欠芝麻香、呈槳粉狀的芝麻糊，怎可以稱之為“生磨芝麻糊”。假如你純粹為了點綴你嘅餐牌，我倒寧願你將之命名為“香滑芝麻糊”之類，不要給我一個假希望總括而言，我實在不知道你那顆星可以重何說起，又或者係我冇真正試過你嘅招牌菜最令我氣結的倒是 貴寶號嘅服務態度。剛坐低嘅時候並不察覺，但當來了一對國內小情侶遊客搭檯後，當堂高下立見。貴寶號嘅伙計之細心、殷勤嘅服務態度令我覺得原來除咗响LV外，响何洪記嘅港人同樣會備受冷待。當你為那對國內小情侶添茶嘅時候，明明我半空嘅茶杯同佢哋嘅茶杯並排而立，但你竟然可以視若無睹
先講食物，是次用餐所點食物如下：
豬手麵 ﹣ 外子話好好味，南乳汁亦好正
叉燒酥 ﹣ 正常好味嘅叉燒酥一舊
齋春卷 ﹣ 唔係味道嘅問題，而係你怎能夠容忍一碟如斯油淋淋嘅春卷，仲要係我俾緊咁嘅價錢，唔係食緊茶樓8蚊特價點心。當我夾起第一件春卷時，見到碟底一片小水灘似的油光，實在有點倒胃
“生磨”芝麻糊 ﹣ 感覺同响超市買嘅即冲芝麻糊沒有兩樣 （可能某些即冲品牌更好味一點）。基於 貴舖並不以甜品馳名，本來我亦無話可說，但試問一碗欠芝麻香、呈槳粉狀的芝麻糊，怎可以稱之為“生磨芝麻糊”。假如你純粹為了點綴你嘅餐牌，我倒寧願你將之命名為“香滑芝麻糊”之類，不要給我一個假希望
總括而言，我實在不知道你那顆星可以重何說起，又或者係我冇真正試過你嘅招牌菜
最令我氣結的倒是 貴寶號嘅服務態度。剛坐低嘅時候並不察覺，但當來了一對國內小情侶遊客搭檯後，當堂高下立見。貴寶號嘅伙計之細心、殷勤嘅服務態度令我覺得原來除咗响LV外，响何洪記嘅港人同樣會備受冷待。當你為那對國內小情侶添茶嘅時候，明明我半空嘅茶杯同佢哋嘅茶杯並排而立，但你竟然可以視若無睹，不顧而去
當我喝光我僅餘嘅茶，召喚伙計添茶時，第一個應我嘅伙計話；“咦，個茶壼呢？” 佢看似去揾茶壼，但良久亦未有回來。請問 貴寶號嘅舖面有幾大，要揾個茶壼駛幾耐呀？算，我再叫。今次應我嘅伙計唔駛一分鐘就揾到個茶壼返嚟，但我見佢去其他檯添茶，添完一檯又一檯，我唔肯定佢哋係咪都係國內遊客，但當時舖內實有為數不少嘅遊客。最後...... 佢竟然放低茶壼去繼續幹活。到呢一刻，我實在沉不住氣，大喝一聲，“唔該加茶” 。那位伙計大叔才如夢初醒似的再攞起個茶壼，打開茶壼看一看 （相信茶當時已經空了），然後應都冇應過我就走咗去。我忍唔住叫停佢。佢語帶不忿的打開茶壼俾我睇，再同我講，”個茶壼冇茶，我去加啲熱嘅俾你呀..." 嘿，咁你唔講吓點個茶壼會冇茶。我再問佢，“咁我頭先叫你加茶在先，你斟完咁多檯，都冇理我，宜家同我講話冇茶？” 佢淡淡的說，“我唔記得咗” 我絲毫感受不到一點點嘅歉意。由我叫你加茶，到你揾到個茶壼去為其他食客添茶，只為不多於一分鐘嘅時間，你竟然話唔記得？好，我就信你。請恕我斗膽講句，咁冇記性嘅人係唔適合呢類手寫落單嘅零售飲食業......
其實，本來只係小事一樁，本來我可以體諒你年紀大、記憶力衰退，本來我仲可以欣賞 貴寶號對年老員嘅包容
但係點解你要語帶不忿咁駁嘴，拒絕承認自己嘅過失，
點解你要俾我見到你對國內遊客殷勤招待呢個反差
我都有俾錢食嘢㗎，香港人去何洪記食嘢冇9折優惠㗎
仲有，請 貴寶號用合適嘅語言招待顧客。我同幫我埋單嘅姐姐講廣東話，但佢堅持用普通話回應我。我作為一個土生土長嘅香港人，操一口純正嘅廣東話（雖然可能有少少懶音），身處香港，响一間港式粉麵舖用膳，我實在諗唔到有咩理由佢要用普通話同我講嘢
為咗挽回我作為個人嘅尊嚴（我唔知係因為我衣著唔夠高貴，定因為我講廣東話，宜令我遭受到與同檯國內遊客相比嘅不平等待遇），我決定唔會再去希慎何洪記！！
張貼