蟹仙海鮮私房．蒸氣石碢 (環海大廈)

營業中

休息中

蟹仙當然出名食蟹，蟹嘅質素高。除咗蟹其他海鮮都一樣有水準。蒸海鮮套餐有唔同價位，海鮮款式唔同。我就揀咗個平價啲嘅試吓。呢個其實已豐富同有多款海鮮。食蒸海鮮全程只係等食，店員會逐樣幫你蒸，可以慢慢享受。首先就係蒸魚，魚非常飽滿多肉，而且新鮮。蝦、蠔及青口，都鮮味！蝦爽口。呢度嘅貝類出邊較少食到，大大隻好鮮甜。鮑魚都大隻，又厚大，好味主角當然係蟹同龍蝦。蟹好新鮮，蟹肉好鮮甜，蟹膏多到爆膏。連蟹膏都非常鮮味！食完海鮮仲有粥，最後仲有鮮奶燕窩做甜品。