影片
更多
2017-07-16
734 瀏覽
香港實在有太多不同嘅餐廳，基本上好多菜式都會有，比較鍾情嘅係越南菜，中菜，日本菜，越南菜其實呢變化唔算多。但係亦都因為呢個原因所以我對佢嘅要求都會更多。越南菜裏邊最喜歡嘅就係Pho ~ Pho 這東西令我記起之前一位舊同事，喺英國長大，讀嘅係英國文化，家底亦都富有，生得高大俊俏，偏偏就係一個傻更更嘅男生，有家族生意唔做，走咗去我哋公司度做行街。佢話佢係英國讀左書10年學識嘅未必係英文，因為身邊嘅朋友10個有八個係越南人，反而中菜小食，pho 一星期食到三四餐。pho佢好認真咁樣教過我呢個讀音。仲教咗我幾句越南粗口。朋友知道我特別鍾意越南菜，特意邀請我嚟到呢一間餐廳，佢話呢一度嘅pho 應該係香港首屈一指，我冇乜點食過一啲傳說中好出名嘅餐廳，之前比較喜歡位於擺花街嘅一間越南粉店已經關掉，已經冇乜期望要搵到邊一間令我眼前一亮嘅餐廳，今次就泥試一試。位於囍帖街嘅佢，位置其實真係好少，各位要來食記得book枱，其實佢哋呢就係一個酒吧同餐廳嘅模式，不過好少飲酒嘅我都係會叫椰青。椰青呢樣野冇話邊間餐廳好飲嘅，清甜解渴就夠啦！佢正式來講唔屬於一間餐廳，所以呢晚餐食物選擇其實都真係唔多，惠貞不貴多亦都
越南菜裏邊最喜歡嘅就係Pho ~ Pho 這東西令我記起之前一位舊同事，喺英國長大，讀嘅係英國文化，家底亦都富有，生得高大俊俏，偏偏就係一個傻更更嘅男生，有家族生意唔做，走咗去我哋公司度做行街。佢話佢係英國讀左書10年學識嘅未必係英文，因為身邊嘅朋友10個有八個係越南人，反而中菜小食，pho 一星期食到三四餐。pho佢好認真咁樣教過我呢個讀音。仲教咗我幾句越南粗口。
朋友知道我特別鍾意越南菜，特意邀請我嚟到呢一間餐廳，佢話呢一度嘅pho 應該係香港首屈一指，我冇乜點食過一啲傳說中好出名嘅餐廳，之前比較喜歡位於擺花街嘅一間越南粉店已經關掉，已經冇乜期望要搵到邊一間令我眼前一亮嘅餐廳，今次就泥試一試。
位於囍帖街嘅佢，位置其實真係好少，各位要來食記得book枱，其實佢哋呢就係一個酒吧同餐廳嘅模式，不過好少飲酒嘅我都係會叫椰青。椰青呢樣野冇話邊間餐廳好飲嘅，清甜解渴就夠啦！
佢正式來講唔屬於一間餐廳，所以呢晚餐食物選擇其實都真係唔多，惠貞不貴多亦都係我喜歡嗰間餐廳的原因，餐牌其實係兩頁紙。
點左個越式三文治，係我返咗嚟香港之後食過最好食嘅，佢有用到魚醬，外皮鬆脆，仲有兩款嘅越南扎肉配上其他蔬菜，魚醬的味道唔係個個接受得到，但係當你試過食過當地最好食嘅幾間越式三文治，你就知道呢種味道真係好正。
越南可真心講呢度係有啲貴，細碗，但湯底濃郁，每一啖湯都唔願意浪費，配上質素好高嘅安格斯牛肉，生洋蔥金不換芽菜以及檸檬辣椒等等，唔係呢個湯底我相信好多好多經典嘅越南餐廳都做唔到。
用上真正嘅越南粉，食咗一碗都覺得唔夠喉。暫時來講我覺得係除咗我自己整果碗個個讚好的粉之外，佢係最真材實料，你估個個可以曬一整日就係為咗煲個湯咩？咁樣搞一搞淨係湯底都＄100碗。呢度嘅湯底真心叫好。好似好細碗但我覺得值得囉！
Ps. 題目純粹誇大自己，不要上心，哈哈！多謝各位
Ps. 如需去洗手間唔好去餐廳有手邊嗰個公廁，因穿過嘅對面有有冷氣嘅。
張貼
