Wingman (閣麟街)

營業中

休息中

除咗叫雞 其實仲可以叫鴨ga～～～大舊👦🏻約咗朋友食飯 媽咪daddy又去咗打牌 一個人收工無野食 但又的逢星期五唔想食得太頹 所以最後就一個人嚟咗呢間wingman食dinner～～～其實之所以會揀呢一間 係之前同事話佢啲嘢好食 而我又未食過 就過嚟試下 睇完餐牌之後發現佢哋係主要以食雞翼為主 而且雞翼通常一叫就叫一大碟 或者直接可以叫雞翼放題 對於我呢啲一個人嘅食客來講 似乎又唔係太適合 所以我最後就決定食清新啲 叫咗橙香填鴨卷 黑椒麻油香炒毛豆 同一杯啤酒🍺～～～橙香填鴨卷 ：鋪內個個都係食緊雞翼 我就決定反其道而行 叫個填鴨卷 睇吓佢味道如何 點知竟然好有驚喜 裏面有一粒粒切細嘅橙粒 大量嘅蔬菜 一絲絲香濃鴨肉 加埋紅蘿蔔味嘅外皮 整體都令人好有驚喜啊～～～黑椒麻油香炒毛豆：毛都係我最愛 麻油又係我喜歡嘅口味 見到有那個組合嘅配搭 真係驚喜萬分 當然要試試佢 食落毛豆少咗平時嘅菜青味 更添麻油香氣 同黑椒嘅滋味 整體變得比平時更適合配搭啤酒 好正 一啖毛豆一啖啤酒 完全係一個人的浪漫～～～推薦度：🔥🔥🔥🔥🔥🔥🔥🔥🔥