影片
更多
2011-01-10
47 瀏覽
希望佢地老闆睇到, 真係要改善下d服務質數, 今時今日咁嘅服務態度, 係唔得架~~~ 就算野食幾好味, 我都唔會比錢去受氣, 何況價錢唔算平哩~~本來想搵個地方, 開開心心食餐飯, 見到一門咁多好評, 於是就決定試下.去到, 環境尚可, 開始點野食, 叫咗蟹肉玉子燒, 東洋卷, 兩樣都 好好味... (真係除咗呢兩樣野, 我唔知呢間野有咩好)白身魚燒餅, 帶子, 牛后串燒, 清酒蜆石窩 - 呢幾樣就不過不失, 唔算特別好食...上咗幾度菜, 因份量不大, 於是諗住後加野,加上話係個半鐘交枱, 當時只係食咗半個鐘, 諗住可以慢慢歎下, 其實每食完一碟, 隻筷子一夾起最後一舊, 就會有人黎收野, 好似有人專登係我地後面侍候我地咁, 咁都算喇, 以為係想d 客食得鬆d, 唔駛成枱都係野.點知食到第一輪最後一味, 已經有人黎問, d 野到齊未, 我地答, 未, 後加咗野....... 去到我地真係食完最後一味時, 我地已經向超過5個侍應答同一個答案, d 侍應一個問完到另一個不停咁問, 不停咁問, 想點啫, 好喇, 都後加野到, 點知仲要落錯單, 真係錯有錯著, 即係唔要個後加喇, 費
本來想搵個地方, 開開心心食餐飯, 見到一門咁多好評, 於是就決定試下.
去到, 環境尚可, 開始點野食, 叫咗蟹肉玉子燒, 東洋卷, 兩樣都 好好味... (真係除咗呢兩樣野, 我唔知呢間野有咩好)
白身魚燒餅, 帶子, 牛后串燒, 清酒蜆石窩 - 呢幾樣就不過不失, 唔算特別好食...
上咗幾度菜, 因份量不大, 於是諗住後加野,加上話係個半鐘交枱, 當時只係食咗半個鐘, 諗住可以慢慢歎下, 其實每食完一碟, 隻筷子一夾起最後一舊, 就會有人黎收野, 好似有人專登係我地後面侍候我地咁, 咁都算喇, 以為係想d 客食得鬆d, 唔駛成枱都係野.
點知食到第一輪最後一味, 已經有人黎問, d 野到齊未, 我地答, 未, 後加咗野....... 去到我地真係食完最後一味時, 我地已經向超過5個侍應答同一個答案, d 侍應一個問完到另一個不停咁問, 不停咁問, 想點啫, 好喇, 都後加野到, 點知仲要落錯單, 真係錯有錯著, 即係唔要個後加喇, 費時要答晒你地全間野d員工- 我地係未食完架!!!!!!!!!!!!!!!!!!!!!!!!!!!!!!....你地先係收口~~~ 到叫咗埋單, 都仲有一個走黎問, d 野齊未....
我那刻真係忍唔住話, 我地埋單走喇, 你地唔好再黎問喇.....
當日唔知係咪抽氣扇 or 通風有問題, 成間野都好煙, 坐得唔舒服, 走時 d衫一陣味.... 所以就算佢地唔趕客, 我地都諗住食埋後加野都走架喇, 唔會係到久留 lor.... 我地走時只係食咗 45 分鐘....
見到有幾枱, 應該係熟客, 一入到去, 就同個侍應唔該前唔該後, 個侍應就答佢地, 話真係好難先搵到張枱比佢地.... 唔通佢地就係要我地d生客快快脆食完, 就比d枱熟客, 真係不知所謂.
無下次, 亦唔會推介比朋友....
張貼