成都老碼頭火鍋 (已結業)

因為想幫襯朗豪坊新開的洪瑞珍買生果味三文治做飯後甜品(不過失敗左, 生意太好, 當日大概下午6點到, 所有生果口味都賣曬), 加上呢兩日溫度跌至10度以下, 好想食個熱辣辣既打邊爐, 所以就揀左呢間可以網上訂位, 評價也不錯的成都老碼頭火鍋。店員話今日有🈹68折, 開心。我地點左宮廷藥膳湯底, 極品鵝腸半份, 彈牙牛筋丸半份, 龍蝦沙律丸半份, 桂花蚌半份, 蛋餃半份, 澳洲 - 雪花肥牛, 即炸響鈴同冰豆腐。湯底頗為足料, 藥材味道也足, 不錯。配料方面, 最要推介既係桂花蚌, 老公唔好海鮮, 難得呢度有得叫半份, 太好喇! 桂花蚌厚肉, 新鮮爽口。下次要一個人叫一份獨食, 我願意用我所有既胃容量裝滿佢。另外, 佢地既即炸響鈴都好唔錯, $48有6件, 係好厚身大件既嗰種, 浸湯之後依然香脆, 充滿腐皮香。其他食材都好新鮮高質。成都老碼頭火鍋環境寬敞, 坐位也十分舒適, 員工服務態度非常好,友善親切。最大缺點係冷氣真係開得太大, 當日室外氣溫大概只有10度, 但餐廳既冷氣開到令我覺得好似係街邊打緊邊爐咁。最搞笑係有見到個員工出左去一陣買D野, 返黎既時候好大聲咁同佢既同事講:出面唔凍