極上帝王水產

每次reu指定動作就係放題夜，之前試過好幾間兆萬嘅放題都好高質，今次見到有新餐廳入伙，當然要率先一試。

一坐低係卡位前菜就送到，值得一提嘅係佢味道正宗嘅味付八爪👍🏻

極上帝王水產個名好有霸氣，入面嘅格局同平時食開嘅放題差唔多。

餐牌由A-S選擇更多，出乎意料！

平時食得多素喜燒今次就試吓佢嘅蟹鍋，湯底蟹味鮮濃，不過蟹肉就略顯鬆散同細條啦。

終於到大胃王環節-必點推薦
-------------(排名有分先後)------------
刺身類(A)：
手切象拔蚌、北海道帶子、松葉蟹棒、手切八爪魚、日本有頭甜蝦、玉子
--
壽司手卷類(B-G)：
火灸壽司系列、黑松露帶子壽司、牛油果軟殼蟹卷、汁燒A5和牛卷、花之戀
--
和風小食炸物類(H-N)：
天婦羅系列、日本炸牛奶、日本香芋丸
--
燒烤熟食類(O-R)：
汁燒雞肉串、黑毛豚肉生薑燒、香草燒羊架
--
不推薦：
冬陰功、日本可樂餅、手卷系列
------------------------------

1

刺身新鮮，擺盤吸引，值得一提嘅係手切象拔蚌爽口鮮甜，帶子滑溜，完全唔腥有驚喜！我地仲追加左一盤添。

創意卷物-軟殼蟹同和牛份量都太少，但睇在創意份上要試試。

一直都覺得火灸&黑松露同壽司都好夾，食唔停口！

1

三文魚厚身肥美，蟹子份量足！

厚厚嘅日式燒汁，仲有炭香嘅雞肉

外脆內嫩好香口，大愛炸蝦天婦羅！

新鮮熱辣炸得好香口，但香芋略嫌不足。

有特色嘅驚喜
作為一個Sake迷必須一提嘅當然係佢嘅任飲梅酒！香港好難搵又平又香嘅暖梅酒，冬天小酌一杯尤其適合！

倒酒冒煙，熱度剛好，舉杯已聞到梅香撲鼻，飲落好順易入口，但濃香迴盪左好耐。

$40

總括黎講呢間放題食物質素不錯，食材新鮮，份量適中，食物種類極多，值得一試！

不得不提店員服務超級周到，我地眼殘見唔到熱水自斟區，舉手叫店員俾杯熱水，佢勁忙都二話不說幫我地斟黎，好讚👍🏻

放題$229/人，另加一，但新開張有95折，價錢同兆萬其他放題相若，但我唸$40任飲梅酒絕對會係佢地嘅一大賣點！
下次酒癮上黎個陣絕對會再黎飲勝一輪