影片
更多
2017-08-17
1503 瀏覽
雖然話旺角都幾多野食，但係喺附近番工，日日諗食乜，其實都幾煩惱。今日就去左呢開街坊cafe，睇過食評啲相幾靚，同埋而家天氣熱，認真要搵啲夠企理冷氣夠大嘅地方食lunch。街坊cafe雖然個名就街坊啲，裝潢都幾靚，有啲西式cafe感覺，但牆身嘅油畫又幾有本味道。平日下午茶時間，客人唔多，坐得舒適仲咁啱播住楊千嬅演唱會，我同朋友都不敢哼唱起來，放心，隔離左右都冇人先敢發出蚊滋咁細聲。午市12點後就開始供應套餐，連同常餐一共12款，選擇頗多，有河粉、意粉、扒類、烏冬、飯等，套餐包街坊碗仔翅、飲品(奶茶/咖啡)，仲有優惠價配其他特飲，定價$42-98，價錢唔貴。單點嘅款式都有好多，最吸引我地當然係甜品，我事前已經睇過好多介紹，雞蛋仔、西多士、心太軟都有，務求令你食完正餐都唔洗轉場，食埋甜品先走。我地分別點左兩個套餐，加一份甜品，人均百一蚊左右。街坊碗仔翅：幾特別地以碗仔翅取代一般西餐餐湯，碗仔翅雖然唔係好稠身，飲落清清地，但相當足料，而且唔洗加錢，都幾抵呀小柄鐵板紐西蘭肉眼牛扒 $98：餐具都幾特別，原個小柄鐵板上，色彩鮮豔。雖然唔係咩好靚嘅貨色，但當你諗到去街市求其買塊靚少少嘅扒都要咁上下錢
午市12點後就開始供應套餐，連同常餐一共12款，選擇頗多，有河粉、意粉、扒類、烏冬、飯等，套餐包街坊碗仔翅、飲品(奶茶/咖啡)，仲有優惠價配其他特飲，定價$42-98，價錢唔貴。單點嘅款式都有好多，最吸引我地當然係甜品，我事前已經睇過好多介紹，雞蛋仔、西多士、心太軟都有，務求令你食完正餐都唔洗轉場，食埋甜品先走。我地分別點左兩個套餐，加一份甜品，人均百一蚊左右。
街坊碗仔翅：幾特別地以碗仔翅取代一般西餐餐湯，碗仔翅雖然唔係好稠身，飲落清清地，但相當足料，而且唔洗加錢，都幾抵呀
小柄鐵板紐西蘭肉眼牛扒 $98：餐具都幾特別，原個小柄鐵板上，色彩鮮豔。雖然唔係咩好靚嘅貨色，但當你諗到去街市求其買塊靚少少嘅扒都要咁上下錢，呢個餐一舊水都可以接受牛扒大塊，少少厚身，食落都幾腍身，點左七成熟，都合格，食落唔老唔韌。伴菜有薯格、豆角，都幾好食啦。
日式叉燒豬骨蕃茄湯烏冬 $42
烏冬嘅份量唔少，但以味道黎計，只係中規中矩，烏冬軟硬適中，叉燒就真係一般，比較粗鞋烏冬湯底都係一般開茄膏嘅味道。
不過考慮到價錢，作為女士嘅午餐，都不失為一個選擇。
阿華田吉士雞蛋仔伴雪糕 $68
見最多人介紹就係佢地嘅招牌甜品，原個鐵鍋上，造型特別賣相幾靚啦，一認就認到。吉士雞蛋仔共有6款口味：tiramisu、抹茶、紫薯、阿華田、金莎朱古力、麥提莎朱古力，定價$68/78。一底雞蛋仔，面頭唧左吉士醬，最後灑上阿華田粉，配一球朱古力雪糕、棉花糖，唔好話喺街買幾錢，咁而家喺餐廳當食個甜品咁嘅價位。雞蛋仔當然預料之中，唔會好似掃街食到嘅咁美味，蛋香為零，不過即時製作，食落煙韌，面頭少少少少少脆，可以接受。吉士醬味道唔會好突出，但甜度唔高，份量多，收貨。朱古力雪糕味道都幾香濃，旁邊嘅棉花糖係燒至半溶，至於阿華田…原來係灑上阿華田粉，點都有少少失望，但食落都幾夾，味道唔差
我的宣言 (白桃、玫瑰) +$8：跟餐加8蚊可以選擇藍蝶花或汽泡水，老實講，呢度嘅飲品都幾好飲呢，加8蚊都抵加。首先味道唔會好假，最怕藥水味飲品啦，而且甜度唔高，白桃加上玫瑰有種香甜，裡面仲有少少椰果肉
戀愛大過天 (玫瑰、士多啤梨、菠蘿) +$8：朋友點嘅我覺得仲好飲啲，雖然叫做汽泡水，但飲完唔會話成肚汽。面頭有幾粒玫瑰花，士多啤梨都切得好有心機
張貼
