影片
更多
2017-10-17
3853 瀏覽
大灣咖啡廳嘅 lunch buffet 令我諗起鄭經理首「值得」。值得1 - 性價比甚高。5星級酒店嘅食物質素，料本身係靚同新鮮嘅。尤其係魚生。有sashimi 有 sushi。選擇有三文魚，油甘魚，八爪魚，甜蝦，吞拿魚。值得2 - 選擇多。除咗魚生之外，冷盤仲有熟嘅蝦丶蜆丶青口。沙律梗係唔少得，再加埋西班牙火腿丶辣肉腸丶芝士。熱食有即燒嘅串燒，白汁青口，中式點心，廣東小菜等等。即煮嘅菜式有韓式石頭鍋飯丶湯麵丶意大利粉。仲有廚師不停喺食品長枱後面嘅烤架烤「是日精選」。我喺大灣咖啡廳食過兩次lunch buffet，兩次嘅「是日精選」都唔同。第一次有帶子，肉眼扒，蟹鉗。第二次刞係牛脷，豬肋骨同三文魚。- 由於太多所以無影相值得3 - 值得做好多運動換嚟鯨吞嘅甜品。我自問一向並唔係一個甜品控，但係哩度嘅薄餅，雪糕同蛋糕足以令我失控，失去應有嘅防衛。薄餅係有師傅即整嘅。除咗薄餅之外仲有夾餅。雪糕櫃裏面有好多嘅雪糕種類。我最喜歡 cookies and cream。甜品櫃裏面嘅甜品都係細細件，真係唔覺唔覺你就會食咗唔少㗎啦。整體黎講佢哋嘅甜品都唔偏甜，簡直啱啱好我最欣賞大灣咖啡廳兩様甜品。Ti
值得1 - 性價比甚高。5星級酒店嘅食物質素，料本身係靚同新鮮嘅。尤其係魚生。有sashimi 有 sushi。選擇有三文魚，油甘魚，八爪魚，甜蝦，吞拿魚。
值得2 - 選擇多。除咗魚生之外，冷盤仲有熟嘅蝦丶蜆丶青口。沙律梗係唔少得，再加埋西班牙火腿丶辣肉腸丶芝士。熱食有即燒嘅串燒，白汁青口，中式點心，廣東小菜等等。即煮嘅菜式有韓式石頭鍋飯丶湯麵丶意大利粉。仲有廚師不停喺食品長枱後面嘅烤架烤「是日精選」。
我喺大灣咖啡廳食過兩次lunch buffet，兩次嘅「是日精選」都唔同。第一次有帶子，肉眼扒，蟹鉗。第二次刞係牛脷，豬肋骨同三文魚。
- 由於太多所以無影相
值得3 - 值得做好多運動換嚟鯨吞嘅甜品。我自問一向並唔係一個甜品控，但係哩度嘅薄餅，雪糕同蛋糕足以令我失控，失去應有嘅防衛。薄餅係有師傅即整嘅。除咗薄餅之外仲有夾餅。雪糕櫃裏面有好多嘅雪糕種類。我最喜歡 cookies and cream。甜品櫃裏面嘅甜品都係細細件，真係唔覺唔覺你就會食咗唔少㗎啦。整體黎講佢哋嘅甜品都唔偏甜，簡直啱啱好
我最欣賞大灣咖啡廳兩様甜品。Tiramisu係其中一樣。咖啡粉嘅比例啱啱好，唔會太苦。
另外一樣我最鍾意嘅甜品就係薄餅。因為呢度實在有太多配搭可以比我自己去整我鍾意嘅薄餅。譬如：朱古力醬加香蕉，杏仁片加士多啤梨，我仲將佢嘅朱古力蛋糕夾喺薄餅裏面再加埋合桃碎添… 大家試想想加咗最鐘意嘅餡之後再加一丶兩個雪糕球
嘩嘩嘩嘩嘩… …極品啊！
Oh ... 順帶一提，佢哋仲有朱古力 fondue 添。
張貼
