古早味台灣原味 (已結業)

平時完全無留意到依家完全唔起眼嘅上樓台式餐廳，多得朋友帶我黎先至發現呢度~ 我地係閒日嘅夜晚大約八點上黎，已經坐無虛席啦! 一間要上樓嘅餐廳響閒日都咁多人，應該質素唔差！結果都無令我失望，啲野食果然係幾高質我地兩個女仔叫咗一個古早味牛肉麵，凍醉蝦，麻辣肚絲同涼拌雲耳~ 其中個牛肉麵令我印象好深刻，因為個湯底好香濃，仲有陣好特別嘅，類似中藥咁嘅味，可能呢陣就係古早味啦而個麵條都非常彈牙，牛肉燜得又腍又入味，值得推介不過我最中意嘅係個凍醉蝦，啲蝦肉大大隻，勁新鮮又彈牙，花雕酒味又夠濃，屬於必叫之選! 至於個麻辣肚絲味道其實似胡椒肚絲多啲，胡椒味好重但無乜麻辣味，個人都係中意四川style 多啲~ 涼拌雲耳就酸酸甜甜，又凍又爽脆，唔錯！有下次