影片
更多
2017-11-03
6143 瀏覽
同友人A相約灣仔皇后大道東LATE LUNCH, 每次來都會諗起羅大佑同蔣志光那首於91年大熱的歌, 91年或者講90年代的皇后大道東同依家有幾大分別? 都應該好大囉! 講返呢間活化建築! 由灣仔街市改建而成的豪宅地下, 只有一間咖啡店/花店同一間家具鋪, 家具鋪以前入過, 幫襯呢間Café今次係頭一趟, 食物以素食為主, 亦有未來漢堡, 但今日唔叫呢樣啦, 沙拉係Baby Spinach and Apple Salad in Granola Yogurt $78 色彩繽紛嘅沙律, 以菠菜做底, 側邊放上開邊車厘茄,青蘋果薄片,迷你紅蕪菁薄片 再兩至三湯匙乳酪, 上面再灑一堆這裡的GRANOLA, 不過我會覺得這GRANOLA同一般的唔太一樣,反而似即食麥片多D, 一般GRANOLA是由雜麥片堆成一舊舊烘焙成相當脆口感的物體, 而這裡的是一片片的碎片,食落除咗麥片食唔出其他乾果片,果仁碎之類總之呢度嘅GRANOLA好淡味 但GRANOLA都有好多唔同嘅款式所以好難斷定佢用的係哪一類型嘅穀物?友人A甚為喜愛佢呢個乳酪沙律汁但我只覺得其實佢唔知有否察覺到沙律內有加到蜜糖?! 講真乳酪同蜜糖
Spinach Cheese Pie with Portobello$105 芝士批做主角,大啡菇只是配角, 旁邊放多一大堆菠菜葉砌嘅沙律, 跟上面的菠菜葉沙律撞個正着, 芝士批內全是農夫芝士及菠菜茸配上少少油膩嘅外批皮更覺好食, 咁貴都係因為呢個批! 要細味品嚐, 如果家裡做一百蚊應該做好多或者好大個批了
Porcini Lover – Porcini mushroom fettuccine with cream & cheese $118芝士忌廉牛肝箘寬條麵, 感覺是望上去似豉油皇炒粗麵, 當然唔係廣東麵條啦, 牛肝箘的香味主導, 不過Cream & Cheese則用咗都唔知? 事關寅的用得好節約又或者這裡客人以女士為主, 一見忌廉可能會皺眉頭, 芝士就更唔應該落咗等於無落, 無論落刨片,粉末都應該俾客人見到, 反而火箭菜就大大堆, 明白呢度要出健康餐不過寫明而又無感覺就有點不貼題,又或者索性刪去Cream & Cheese改為”Rocket Leaves”不是更加貼題一點嗎?
這裡飲品價格公道, 奶類拉花都可以啦, 這天太座嘅巧克力拉花就是隻豬頭$40, 而我們的咖啡反而是一個”心”罷$36, 咖啡味道也可以的只是沒什麼深度,
而這裡另一賣點係客人可自助攞水, 餐具, 雜誌也放了些洋文藝術感強的,
不過作為一間這麼寬敞嘅咖啡店不擺賣咖啡荳,粉工具,甚至水果等實在奢華得可以! 服務方面本來沒什麼好說的因為這店是自助形式, 見店員都有執枱面同注滿食水, 但有一點是有員工在邊工作邊食野的場面出現, 因為這店是開放式廚房, 咬住飽工作始終唔係咁好啩, 可能同當日是週日客少態度比較鬆散點吧,
張貼
